DÍA DO IMPLANTE COCLEAR

O 25 DE FEBREIRO CELÉBRASE O DÍA INTERNACIONAL DO IMPLANTE COCLEAR. 

É UN DISPOSITIVO ELECTRÓNICO QUE PERMITE ESCOITAR AS PERSOAS CON XORDEIRA PROFUNDA CUNHA AXEITADA REHABILITACIÓN AUDITIVA. 

NESTE DÍA REALIZOUSE A PRIMEIRA IMPLANTACIÓN EN 1957 POR DOUS DOUTORES FRANCESES: DJOURNO E EYRÈS.

DEIXÁMOSVOS UN CONTIÑO SOBRE OS IMPLANTES COCLEARES!

DÍA DE ROSALÍA DE CASTRO

 O 24 DE FEBREIRO CELEBRAMOS O DÍA DE ROSALÍA DE CASTRO. 

ESTA RECOÑECIDA ESCRITORA GALEGA REFLICTE NOS SEUS VERSOS  A FERMOSURA DE GALICIA E DA SÚA XENTE. AS NENAS E NENOS DE 3, 4 E 5 ANOS TRABALLAMOS O COÑECIDO POEMA DE:  

"ADEUS RÍOS, ADEUS FONTES,

ADEUS REGATOS PEQUENOS,

ADEUS VISTA DOS MEUS OLLOS,

NON SEI CANDO NOS VEREMOS.

MIÑA TERRA, MIÑA TERRA,

TERRA ONDE MEU CRIEI, 

HORTIÑA QUE QUERO TANTO,

FIGUEIRIÑAS QUE PLANTEI.

..."

COA AXUDA DAS NOSAS FAMILIAS FIXEMOS FOTOGRAFÍAS DE ELEMENTOS DA CONTORNA QUE SE NOMEAN NESTE POEMA: RÍOS, FONTES, REGATOS, HORTAS, FIGUEIRAS, PRADOS, PINARES, PAXARIÑOS, CAMIÑOS, CAMPÁS, IGREXAS... CON TODAS ELAS FIXEMOS UNHA EXPOSICIÓN NA BIBLIOTECA DO COLEXIO.

SE VOS ANIMADES PODEDES PASAR A VISITALA POLAS TARDES! E XA DE PASO LER ALGÚN LIBRO!

ACHÉGASE O ENTROIDO!

ESTE ANO A TEMÁTICA DO ENTROIDO VAI SER O CINE. 

VILAVERDIÑO, A MASCOTA DO ENTROIDO,  XA ANDA POLO COLE, PIDE QUE AS NENAS E NENOS LLE LEVEN PLUMAS DE CORES ANTES DO GRAN DÍA DA FESTA.

DE QUE SE DISFRAZARÁ ESTE ANO? ACTOR, DIRECTOR, FIGURANTE, GUIONISTA, CÁMARA...

HAI QUE PREPARAR OS DISFRACES!!! DE QUE NOS IMOS DISFRAZAR PARA O DESFILE? IMOS REPRESENTAR A PRODUCIÓN DA PELÍCULA "DEL REVÉS2".

AQUÍ DEIXAMOS ALGÚN VOCABULARIO DE ENTROIDO EN LSE:

SESIÓN DE CINE: DEL REVÉS 2

CHEGOU O GRAN DÍA, HOXE IMOS IR AO "CINE GRACIA" PARA VER A PELÍCULA "DEL REVÉS 2".

PERO ANTES TIVEMOS QUE FACER ALGUNHAS COUSAS:

- NUMERAR AS BUTACAS:

- FACER AS "PALOMITAS":

- MERCAR AS ENTRADAS:

- MERCAR AS "PALOMITAS":

- BUSCAR A BUTACA INDICADA COA AXUDA DOS ACOMODADORES:

... APAGAR AS LUCES E DISFRUTAR DA PELÍCULA!

PREPARAMOS UNHA SALA DE CINE

XA SABEMOS UNHA CHEA DE COUSAS SOBRE O CINE, ASÍ QUE DECIDIMOS TRANSFORMAR A CLASE NUNHA SALA DE CINE. 

PENSAMOS, QUE TEREMOS QUE FACER PARA ISO? QUE PRECISAMOS?

XURDIRON MOITAS IDEAS: UN NOME PARA O CINE, UNHA TAQUILLA, UNHA TENDA DE FLOCOS, AS BUTACAS, UNHA PANTALLA GRANDE, UNHA PELÍCULA...

COMEZAMOS POR POÑERLLE UN NOME AO  NOSO CINE. CADA AULA PENSOU POSIBLES NOMES RESULTANDO FINALISTAS: "GOMINOLA" E "GRACIA" . XUNTÁMONOS PARA FACER A  VOTACIÓN FINAL E RESULTOU GAÑADOR "GRACIA".

DESPOIS PUXÉMONOS MANS Á OBRA: COLOREAR, RECORTAR, PEGAR PARA FACER:

              - UN CARTEL CO NOME DO NOSO CINE:

 - A TAQUILLA NA QUE COMPRAR AS ENTRADAS:

- UNHA TENDA PARA MERCAR "PALOMITAS":

 

- UNHA CARTELEIRA CO NOME DA PELÍCULA QUE SE ÍA ESTRENAR:

- NÚMEROS PARA NUMERAR AS BUTACAS:

...E TODO PREPARADO  PARA  A SESIÓN DE  CINE!

CELEBRACIÓN DO DÍA DA PAZ

O VENRES CELEBRAMOS NO "COLE" O ... 

DÍA DA PAZ.  

XUNTÁMONOS TODAS AS ALUMNAS E OS ALUMNOS DO COLE NO PATIO PARA CANTAR EN LSE A CANTIGA  "RECOÑECÉNDOME" DE GUADI GALEGO.

DESPOIS FIXEMOS  TRES   XOGOS  COLABORATIVOS MOI DIVERTIDOS: PASAMOS OS AROS NO CORRO, XOGAMOS ÁS CASAS CON MÚSICA E TENTAMOS QUE GLOBOS VOADORES NON TOCARAN O CHAN.

AO LONGO DE TODA ESTA SEMANA ESTIVEMOS TRABALLANDO  SOBRE A PAZ E A NON VIOLENCIA: FALANDO, ESCOITANDO CONTOS E TAMÉN FACENDO ALGÚN TRABALLIÑO.