DÍA DA PAZ

A PAZ NO MUNDO É UN GRANDE OBXECTIVO, SOBRETODO NESTE MOMENTO NO QUE HAI TANTOS CONFLITOS EN GAZA, IRÁN, UCRAÍNA, RUSIA, VENEZUELA...

PARA TRABALLAR ESTA DATA VISIONAMOS UN VÍDEO DE COMO VIVEN A GUERRA AS NENAS E OS NENOS EN UCRAÍNA.

A CONTINUACIÓN REFLEXIONAMOS SOBRE AS SEGUINTES PREGUNTAS:

- COMO TE SENTIRÍAS SE NON PUIDERAS SAIR AO PARQUE A XOGAR COS TEUS AMIGOS E AMIGAS?  E SE NON PUIDERAS CELEBRAR O TEU ANIVERSARIO?

-  COMO TE SENTIRÍAS SE MAÑÁ TIVESES QUE DEIXAR TODOS OS TEUS XOGUETES, A TÚA CAMA, A TÚA MASCOTA, A TÚA CASA … PARA FUXIR A UN LUGAR DESCOÑECIDO, SÓ OU SOA TAN SÓ CO QUE CABE NUNHA MOCHILA? QUÉ LEVARÍAS TI?

-  COMO CRES QUE SE SINTE UN NENO OU NENA NA GUERRA QUE NON SABE SE HOXE PODERÁ COMER, CEAR OU SE TERÁ AUGA LIMPA PARA BEBER?

-  SE ESCOITARAS RUÍDOS MOI FORTES E CONSTANTES FÓRA DA TÚA XANELA, QUEN CHE GUSTARÍA QUE ESTIVESE AO TEU LADO?

-  MOITOS NENOS E NENAS QUE VIVEN EN PAÍSES QUE ESTÁN EN GUERRA NON PODEN IR AO COLEXIO, NIN VER AOS SEUS AMIGOS E AMIGAS DE CLASE. EN QUE CRES QUE OCUPARÍAN O SEU TEMPO?

- QUE CRES QUE SOÑA UN NENO OU UNHA NENA QUE VIVE NUN LUGAR ONDE HAI GUERRA?

DEPOIS INDIVIDUALMENTE  PENSAMOS QUE LLES DIRIAMOS PARA QUE SE SENTISEN MELLOR?

TODAS E TODOS ELABORAMOS UNHA MENSAXE DE ESPERANZA , PARA ESTAS NENAS E NENOS QUE VIVEN  ASUSTADOS POLA GUERRA NUN CORAZÓN. AQUÍ TEDES ALGUNHAS DAS NOSAS:

 

LOGO FIXEMOS UNHA POSTA EN COMÚN E ESCOLLEMOS 5 MENSAXES PARA COLOCAR NO MURAL DA PAZ DO COLE. NO QUE SE REPRESENTA UN SOBRE XIGANTE QUE LEVA ESTAS MENSAXES DE ESPERANZA A TÓDALAS PARTES DO MUNDO NO QUE HAI NENAS E NENOS SUFRINDO E VIVINDO A GUERRA.

REMATAMOS A CELEBRACIÓN CANTANDO TODAS E TODOS XUNTOS A CANTIGA "VEN COMIGO" DE MARÍA FUMACA. 

CANTIGA PARA O DÍA DA PAZ

ESTASE ACHEGANDO A CELEBRACIÓN DO DÍA DA PAZ. ESTE ANO IMOS TRABALLAR  A CANTIGA "VEN COMIGO" DE MARÍA FUMASA. 

PODEDES PRACTICAR TAMÉN NA CASA CON ESTA ADAPTACIÓN PROTAGONIZADA POLA NOSA INTÉRPRETE!

XA ESTAMOS DE VOLTA!

ESTAMOS  DE VOLTA CON MOITAS GANAS DE COMEZAR ESTE SEGUNDO TRIMESTRE.

VAI MOITO FRÍO! ESTAMOS NO INVERNO! CANTADE CON NÓS ESTA FERMOSA CANTIGA DE INVERNO!

CANTOS DE NADAL

COMO XA VOS DIXEMOS NALGUNHA OCASIÓN, A TEMÁTICA VERTICAL DO CENTRO ESTE CURSO É A MÚSICA. 

POR ISO, ESTE NADAL IMOS REALIZAR UNHA ACTIVIDADE DE CANTOS INTERNIVEIS. NÓS CANTÁMOSLLE "XA ME TARTAN ESTES MAGOS" EN LSE AO ALUMNADO DE 6º DE EP E ELES CANTÁRONNOS "CANDO É NADAL" EN LSE. COMO ERAMOS MOITOS FOMOS Á BIBLIOTECA DO COLE. 

VOCABULARIO DE NADAL EN LSE

ACHÉGASE O NADAL E IMOS LEMBRAR O VOCABULARIO DESTA FESTA TAN ENTRAÑABLE EN LSE. 

CASTELÁN:

GALEGO:

PREPARANDO O NADAL

XA SE ACHEGA O NADAL! ESTAMOS A DECORAR A AULA E O CORREDOR.  PAPÁ NOEL ESCRÍBENOS CARTAS TODOS OS DÍAS DEIXÁNDONOS: XOGOS, ADIVIÑAS, CONTOS, ACTIVIDADES... 

ESTA É A PANXOLIÑA QUE ESTAMOS A PREPARAR PARA CANTAR ESTE NADAL AOS MAIORES DO COLE E TAMÉN ÁS NOSAS FAMILIAS. 

ANIMÁDEVOS A CANTALA TAMÉN!

BEATRIZ ROMERO: UNHA PERSOA EXTRAORDINARIA

CONTÁMOSCHO
 SE PREMES NA IMAXE 

ESTE 3 DE DECEMBRO, DÍA DA DISCAPACIDADE, DESCUBRIMOS A BEATRIZ ROMERO.

É UNHA INTÉRPRETE DE LSE QUE ACOMPAÑA Á CANTANTE ROZALEN NAS SÚAS ACTUACIÓNS, CONSEGUINDO QUE A MÚSICA CHEGUE A TODAS AS PERSOAS,INTERPRETANDO A LETRA E OS SENTIMENTOS DE CADA CANCIÓN CON GRAN EXPRESIVIDADE.  

INICIOUSE NA LINGUA DE SIGNOS CANDO ERA PEQUENA, ASISTINDO A UNHA OBRA DE TEATRO INTERPRETADA POR NENAS E NENOS XORDOS. ERA UNHA NENA TÍMIDO QUE ATOPOU NA LINGUA DE SIGNOS O SEU SUPERPODER.

NESTA ENTREVISTA DESCUBRIMOS COMO SE INICIOU NA LINGUA DE SIGNOS ESPAÑOLA  E COMO COÑECEU A ROZALEN.

ESTA FOI A PRIMEIRA CANTIGA QUE FIXERON XUNTAS:

TAMÉN NOS GUSTOU MOITO ESTA POESÍA:

O NOSO LEMA:  UN MUNDO PARA TODAS E TODOS!

CANTIGAS PARA O SAMAÍN

ESTE  ANO A TEMÁTICA VERTICAL QUE IMOS TRABALLAR NO COLE É A MÚSICA. A MESMA TEMÁTICA QUE NO SALÓN DO LIBRO INFANTIL E XUVENIL DE PONTEVEDRA  2026. 

A MÚSICA TAMÉN ESTARÁ PRESENTE O DÍA DA CELEBRACIÓN DO SAMAÍN. IMOS PREPARAR TRES ACTUACIÓNS CO ALUMNADO, COA AXUDA DE CAROLINA , A NOSA INTÉRPRETE DE LINGUA DE SIGNOS ESPAÑOLA: 

- O ALUMNADO DE INFANTIL VAI CANTAR E SIGNAR A CANTIGA DE MAMÁ CABRA "O SAMAÍN":

- O ALUMNADO DE 1º, 2º E 3º VAI CANTAR E SIGNAR A CANTIGA "CONXURO DE SAMAÍN":

- O ALUMNADO DE 4º, 5º E 6º VAI CANTAR E SIGNAR A CANTIGA "O SAMAÍN" DE UXÍA LAMBONA E A BANDA MOLONA:

PODEDES PRACTICAR TAMÉN NA CASA PARA QUE ESE DÍA NOS SAIA  MONSTRUOSAMENTE BEN!

DÍA DAS PERSOAS XORDAS

 ESTA ÚLTIMA SEMANA DE SETEMBRO CELEBRAMOS
A SEMANA DAS PERSOAS XORDAS NUN INTENTO DE SENSIBILIZAR Á COMUNIDADE EDUCATIVA CARA ESTA REALIDADE COA FIN DE PROMOVER A INCLUSIÓN TOTAL DENTRO DA SOCIEDADE DAS PERSOAS CON PROBLEMAS AUDITIVOS E XORDEIRA CRÓNICA. 

REIVINDICAMOS XUNTO COA ORGANIZACIÓN CNSE QUE  "NON HAI DEREITOS HUMANOS SEN O DEREITO Á LINGUA DE SIGNOS". A LINGUA DE SIGNOS É FUNDAMENTAL PARA MELLORAR A INCLUSIÓN DAS PERSOAS XORDAS NA SOCIEDADE; POIS A MIÚDO SE ENFROTAN A BARREIRAS DE COMUNICACIÓN, QUE LIMITAN A SÚA CAPACIDADE PARA ACCEDER Á INFORMACIÓN E Á IGUALDADE DE OPORTUNIDADES.

TAMÉN DEMOS AO ALUMNADO ALGÚNS CONSELLOS PARA COMUNICARSE COAS

PERSOAS XORDAS DE FORMA EFICAZ.

LEMOS E REFLEXIONAMOS SOBRE ALGÚNS CONTOS NA AULA:

14 DE XUÑO DÍA DA LINGUA DE SIGNOS ESPAÑOLA

ESTE SÁBADO CELÉBRASE EN ESPAÑA O DÍA DA LINGUA DE SIGNOS. DENDE HAI DOUS CURSOS O NOSO CENTRO PROMOVE A LINGUA DE SIGNOS  (LSE) COMO UNHA ESTRATEXIA INCLUSIVA DE COMUNICACIÓN EFICAZ. 

DESENVOLVEMOS DIVERSAS RUTINAS E  ACTIVIDADES EMPREGANDO A LSE COA FIN DE DAR RESPOSTA Á DIVERSIDADE PRESENTE NAS AULAS E GARANTIR A IGUALDADE DE OPORTUNIDADES ENTRE TODO O ALUMNADO.  DAR VISIBILIDADE Á LSE E O PRIMEIRO PASO CARA Á NORMALIZACIÓN DO SEU USO EN DIFERENTES CONTEXTOS. 

AO LONGO DESTA SEMANA RECIBIMOS UNHA INVITACIÓN DA ASOCIACIÓN DE PERSOAS XORDAS DE VIGO PARA ASISTIR O DÍA 14 DE XUÑO  Á CELEBRACIÓN DESTE DÍA NUNHA PEQUENA CARPA  NA PORTA DO SOL EN VIGO. ALÍ CELEBRARANSE ACTIVIDADES RECREATIVAS E XOGOS, DIRIXIDOS POR PROFESIONAIS  A MENORES. ADEMAIS, INSTALARASE UN POSTO INFORMATIVO.

AQUÍ VOS DEIXAMOS UN  ACCESO A MATERIAL AUDIOVISUAL REALIZADO EN LSE NO CENTRO:

-  CONTIDOS LSE 

- CONTIDOS ENGLISH LSE

TAMÉN TRABALLAMOS NAS AULAS ESTES VÍDEOS: 

CONCURSO CANTANDO COAS MANS

A FAXPG  XA PUBLICOU OS VÍDEOS QUE PARTICIPAN ESTE ANO NO VIII CONCURSO "CANTANDO COAS MANS". NÓS PARTICIPAMOS INTERPRETANDO A CANTIGA "RECOÑECÉNDOME" DE GUADI GALEGO.  

TEMOS QUE AGRADECER ESTE FERMOSO TRABALLO NO QUE PARTICIPA TODO O  ALUMNADO, PROFESORADO E PERSOAL NON DOCENTE Á NOSA INTÉRPRETE DE LSE IRIA. TAMÉN AGRADECEMOS A GUADI GALEGO A SÚA PARTICIPACIÓN NO VÍDEO.

BOTÁDELLE UN OLLO!

NON VOS ESQUEZADES DE VOTAR ATA O DÍA 3 DE ABRIL!!

DÍA DO IMPLANTE COCLEAR

O 25 DE FEBREIRO CELÉBRASE O DÍA INTERNACIONAL DO IMPLANTE COCLEAR. 

É UN DISPOSITIVO ELECTRÓNICO QUE PERMITE ESCOITAR AS PERSOAS CON XORDEIRA PROFUNDA CUNHA AXEITADA REHABILITACIÓN AUDITIVA. 

NESTE DÍA REALIZOUSE A PRIMEIRA IMPLANTACIÓN EN 1957 POR DOUS DOUTORES FRANCESES: DJOURNO E EYRÈS.

DEIXÁMOSVOS UN CONTIÑO SOBRE OS IMPLANTES COCLEARES!

DÍA DE ROSALÍA DE CASTRO

 O 24 DE FEBREIRO CELEBRAMOS O DÍA DE ROSALÍA DE CASTRO. 

ESTA RECOÑECIDA ESCRITORA GALEGA REFLICTE NOS SEUS VERSOS  A FERMOSURA DE GALICIA E DA SÚA XENTE. AS NENAS E NENOS DE 3, 4 E 5 ANOS TRABALLAMOS O COÑECIDO POEMA DE:  

"ADEUS RÍOS, ADEUS FONTES,

ADEUS REGATOS PEQUENOS,

ADEUS VISTA DOS MEUS OLLOS,

NON SEI CANDO NOS VEREMOS.

MIÑA TERRA, MIÑA TERRA,

TERRA ONDE MEU CRIEI, 

HORTIÑA QUE QUERO TANTO,

FIGUEIRIÑAS QUE PLANTEI.

..."

COA AXUDA DAS NOSAS FAMILIAS FIXEMOS FOTOGRAFÍAS DE ELEMENTOS DA CONTORNA QUE SE NOMEAN NESTE POEMA: RÍOS, FONTES, REGATOS, HORTAS, FIGUEIRAS, PRADOS, PINARES, PAXARIÑOS, CAMIÑOS, CAMPÁS, IGREXAS... CON TODAS ELAS FIXEMOS UNHA EXPOSICIÓN NA BIBLIOTECA DO COLEXIO.

SE VOS ANIMADES PODEDES PASAR A VISITALA POLAS TARDES! E XA DE PASO LER ALGÚN LIBRO!

ACHÉGASE O ENTROIDO!

ESTE ANO A TEMÁTICA DO ENTROIDO VAI SER O CINE. 

VILAVERDIÑO, A MASCOTA DO ENTROIDO,  XA ANDA POLO COLE, PIDE QUE AS NENAS E NENOS LLE LEVEN PLUMAS DE CORES ANTES DO GRAN DÍA DA FESTA.

DE QUE SE DISFRAZARÁ ESTE ANO? ACTOR, DIRECTOR, FIGURANTE, GUIONISTA, CÁMARA...

HAI QUE PREPARAR OS DISFRACES!!! DE QUE NOS IMOS DISFRAZAR PARA O DESFILE? IMOS REPRESENTAR A PRODUCIÓN DA PELÍCULA "DEL REVÉS2".

AQUÍ DEIXAMOS ALGÚN VOCABULARIO DE ENTROIDO EN LSE:

O INVERNO LSE

 NESTA ESTACIÓN FRÍA LEMBRAMOS VOCABULARIO DO INVERNO EN LSE.

PANXOLIÑA DE NADAL

ESTAMOS PREPARANDO UN VÍDEO PARA ENVIAR ÁS FAMILIAS COMO AGASALLO DE NADAL. VAI SER UNHA PANXOLIÑA MOI  COÑECIDA  QUE IMOS CANTAR EN LSE GRAZAS A IRIA. IMOS EMPREGAR A TÉCNICA CINEMATOGRÁFICA DO CHROMA PARA QUE PAREZA QUE ESTAMOS CANTANDO SOBRE A FRÍA NEVE. AQUÍ VOS DEIXAMOS UN ANTICIPO!

PREPARÁNDONOS PARA O MAGOSTO!

XA FALTA MENOS PARA A FESTA QUE MÁIS LLE GUSTA A ANTÍO: "O MAGOSTO". ESTIVO PREPARANDO ESTE VÍDEO COA NOSA INTÉRPRETE  DE LSE PARA QUE POIDAMOS COÑECER MOITO VOCABULARIO RELACIONADO CON ESTA TRADICIONAL FESTA GALEGA. BOTÁDELLE UNHA OLLADA!! COÑECÉDELAS TODAS???

CANTIGA PARA A CELEBRACIÓN DO MAGOSTO

TEMOS CANTIGA PARA O MAGOSTO!! IMOS INTERPRETAR NO PATIO A CANTIGA DE UXÍA A LAMBONA "O OUTONO" EN LSE; GRAZAS Á INTÉRPRETE DE LINGUA DE SIGNOS DO NOSO COLE. É UNHA CANTIGA MOI DIVERTIDA E AXEITADA PARA ESTAS DATAS. BOTÁDELLE UNHA OLLADA E ANIMÁDEVOS A BAILAR!!

BENVIDO OUTONO!

ESTA ESTACIÓN DE OUTONO TRAE CONSIGO CAMBIOS DE TEMPO, A CAIDA DAS FOLLAS, MOITOS FROITOS SECOS E CARNOSOS, FESTAS, CAMBIOS DE VESTIARIO... IMOS LEMBRAR ALGÚN VOCABULARIO EN GALEGO E TAMÉN DESCUBRILO EN LINGUA SE SIGNOS ESPAÑOLA. BOTÁDELLE UNHA OLLADA!!! SEGURO QUE DESCUBRIREDES ALGUNHA PALABRA NOVA!! 

SEMANA MUNDIAL DAS PERSOAS XORDAS

ESTA ÚLTIMA SEMANA DE SETEMBRO CELEBRAMOS

A SEMANA DAS PERSOAS XORDAS NUN INTENTO DE SENSIBILIZAR Á COMUNIDADE EDUCATIVO CARA ESTA REALIDADE COA FIN DE PROMOVER A INCLUSIÓN TOTAL DENTRO DA SOCIEDADE DAS PERSOAS CON PROBLEMAS AUDITIVOS E XORDEIRA CRÓNICA. 

REIVINDICAMOS XUNTO COA ORGANIZACIÓN CNSE "UN MUNDO ONDE AS PERSOAS XORDAS POIDAN SIGNAR". A LINGUA DE SIGNOS É FUNDAMENTAL PARA MELLORAR A INCLUSIÓN DAS PERSOAS XORDAS NA SOCIEDADE; POIS A MIÚDO SE ENFROTAN A BARREIRAS DE COMUNICACIÓN, QUE LIMITAN A SÚA CAPACIDADE PARA ACCEDER Á INFORMACIÓN E Á IGUALDADE DE OPORTUNIDADES.

TAMÉN DEMOS AO ALUMNADO ALGÚNS CONSELLOS PARA COMUNICARSE CON

PERSOAS XORDAS.

VISIONAMOS E REFLEXIONAMOS SOBRE ALGÚNS CONTOS: