OBRADOIRO DE FAMILIAS: CONTO "EL HILO INVISIBLE"

O VENRES TIVEMOS UN NOVO OBRADOIRO DE FAMILIAS.

A NAI DE NAHIA, LARA, VEU AO COLE PARA CONTARNOS O CONTO "EL HILO INVISIBLE" DE MÍRIAM TIRADO. 

UN CONTO SOBRE OS VÍNCULOS QUE NOS UNEN ÁS PERSOAS QUE QUEREMOS COMO A PAPÁ, A MAMÁ, OS AVÓS, AS AMIGAS E AMIGOS... UN FÍO QUE NON SE ROMPE E QUE ADEMAIS É INVISIBLE. É UN FÍO MÁXICO QUE FAI QUE AÍNDA QUE NON ESTEAMOS CON ESAS PERSOAS ÁS QUE QUEREMOS ESTEAMOS UNIDOS A ELAS PARA SEMPRE.

ANTES DA LECTURA ESTIVEMOS FALANDO DO QUE FACIAMOS OU SENTIAMOS CANDO MAMÁ OU PAPÁ NON ESTABAN CON NÓS.

DESPOIS DO CONTO, ELABORAMOS UN AGASALLO PARA ESA PERSOA ESPECIAL Á QUE NOS SENTIMOS ESPECIALMENTE UNIDOS. ALGÚNS INCLUSO DECIDIRON POÑERLLE UNHA MENSAXE DE AMOR.

LARA TAMÉN TROUXO UN FÍO ESPECIAL PARA AMOSARNOS COMO DE FORTE É O FÍO QUE NOS UNE AOS DEMAIS. FOMOS PASANDO O FÍO Á NENA OU NENO QUE ESTABA AO NOSO CARÓN AO TEMPO QUE LLE  DICIAMOS  ALGO BONITO, ALGO QUE NOS GUSTARA DELA OU DEL.

TAMÉN NOS DEU UNHA PULSEIRA PARA QUE LLE ENTREGÁSEMOS Á PERSOA COA QUE NOS SENTIAMOS CONECTADAS.

PASAMOS UN TEMPO ESTUPENDO CONTIGO LARA. MOITAS GRAZAS!

OBRADOIRO DE FAMILIAS: CONTO "LAS JIRAFAS NO PUEDEN BAILAR"

ESTE VENRES TIVEMOS UN NOVO OBRADOIRO DE FAMILIAS.

SESIÓN DE CONTACONTOS COA FAMILIA DE MATEO.

PAMELA, A NAI DE MATEO, VEU CONTARNOS O CONTO "LAS JIRAFAS NO PUEDEN BAILAR".

CHUFA É UNHA XIRAFA Á QUE LLE CUSTA UN POUCO BAILAR AÍNDA ASÍ, NO BAILE DA SELVA, DECIDE SAÍR A BAILAR. TODOS OS ANIMAIS SABEN QUE A CHUFA NON SE LLE DA MOI BEN O BAILE E CANDO SAE A PISTA EMPEZAN A BURLARSE DELA.

CHUFA ESCOITA OS CONSELLOS DO SEU AMIGO O SALTÓN E DECIDE INTENTALO OUTRA VEZ. 

ESTE CONTO TRANSMITE QUE A PERSEVERANCIA E A CONFIANZA NUN MESMO PERMITE ACADAR METAS E SUPERAR PREXUIZOS.

ALGÚNS DE NÓS XA O COÑECIAMOS AÍNDA QUE ISO NON FOI UN IMPEDIMENTO PARA ESCOITALO MOI ATENTOS!

 

DESPOIS DO CONTO  ELABORAMOS A NOSA "CHUFA" PARTICULAR: COLOREAMOS, RECORTAMOS, DOBRAMOS, PEGAMOS E DEBUXAMOS.

FOI UNHA ACTIVIDADE MOI COMPLETA E O RESULTADO FOI ESTUPENDO!

MOITAS GRAZAS PAMELA POR COMPARTIR CONNOSCO UN CHISQUIÑO DO TEU TEMPO!.

OBRADOIRO DE FAMILIAS: ESCOLA DA ESPALDA

O DERRADEIRO VENRES ANTES DAS VACACIÓNS TIVEMOS UN OBRADOIRO DE FAMILIAS CON CARMEN, A NAI DE MAURO.

CARMEN É FISIOTERAPEUTA, CON ELA APRENDEMOS MOITAS COUSAS SOBRE A ESPALDA: QUE ESTÁ FORMADA POR ÓSOS E MÚSCULOS, COMO SON AS VÉRTEBRAS E COMO TRABALLAN, COMO TEMOS QUE SENTARNOS PARA NON DANAR A ESPALDA,... 

TAMÉN NOS ENSINOU QUE PODEMOS FACER CANDO NOS DOE A ESPALDA QUE NON É TOMAR UN CALMANTE! O QUE TEMOS QUE FACER É EXERCIZO!

NA ÚLTIMA PARTE DO OBRADOIRO FIXEMOS UNS EXERCICIOS DE PILATES: O GATO CONTENTO E ENFADADO, O SUPERMAN E A SUPERWOMAN, A PONTE... E VOLTAMOS Á CALMA COA RESPIRACIÓN.

GOZAMOS MOITO NA CLASE DE PILATES.

MOITAS GRAZAS CARMEN!

OBRADOIRO DE EXPERIMENTOS

ESTE VENRES TIVEMOS UN NOVO OBRADOIRO DE FAMILIAS DEDICADO AOS EXPERIMENTOS!

A FAMILIA DE BRAN FOI A ENCARGADA DE AMOSARNOS UNHA SERIE DE EXPERIMENTOS RELACIONADOS CON ... 

ELECTRICIDAD ELECTROSTÁTICA: CUN BONEQUIÑO DE PAPEL E UNHA PALLIÑA.

CANDO FROTAMOS RÁPIDO A PALLIÑA NA MANGA DO XERSEI, NO PANTALÓN E INCLUSO NO PELO, XERAMOS ELECTRICIDAD ELECTROSTÁTICA. AO ACERCAR A PALLIÑA AO BONEQUIÑO SOMOS CAPACES DE FACELO BAILAR.

COMO SE FORMAN AS NUBES: SIMULAMOS CON ALGODÓN, AUGA CON COLORANTE E UN VASO CON BURATOS NA BASE O QUE OCORRE CANDO A NUBE COMEZA  A ENCHERSE CON AUGA. CHEGA UN MOMENTO EN QUE NON PODE ACUMULAR MÁIS AUGA E ENTÓN ...

GASES QUE NOS RODEAN, O OSÍXENO: O OSÍXENO É UN DOS GASES QUE FORMAN A ATMOSFERA. É MOI IMPORTANTE PARA A NOSA VIDA PORQUE GRACIAS A EL PODEMOS RESPIRAR, PERO ... QUE PASA CANDO O LUME CONSUME O OSÍXENO DENTRO DUN BOTE?

REACCIONAMOS BICARBONATO CON VINAGRE: QUE PASA SE NUN GLOBO XUNTAMOS BICARBONATO MÁIS VINAGRE? O GAS QUE XERAMOS FAI QUE O GLOBO INFLE, SIMULAMOS UN PEIXE GLOBO.

AS BACTERIAS FOXEN CO XABÓN: CON PEMENTA, SIMULANDO AS BACTERIAS, E UN PRATIÑO DE AUGA OBSERVAMOS  COMO AO METER O DEDO DENTRO DO PRATO ACABAMOS CON EL CHEO DE PEMENTA OU VIRUS NA NOSA SIMULACIÓN.

PERO SE METEMOS O DEDO CUN POUQUIÑO DE XABÓN NA AUGA  ... A PEMENTA (BACTERIAS) FOXEN!!

COMO DICÍAN AS NENAS E OS NENOS A CIENCIA PARECE MAXIA!

MOITAS GRAZAS A NOELIA E GONZALO POLA VISITA!

OBRADOIRO DE FAMILIAS MÚSICA GALEGA

HOXE RECIBIMOS NO OBRADOIRO DE FAMILIAS A ANDRÉS O PAI DE SABELA E DE VICTORIA. 

VEU AO COLE PARA ENSINARNOS INSTRUMENTOS DA MÚSICA GALEGA. PRIMEIRO ENSINOUNOS OS INSTRUMENTOS DE PERCUSIÓN E DESPOIS OS DE VENTO.

FAMILIA DE PERCUSIÓN:

-  ENSINOUNOS COMO SE AFINA UN BOMBO E UN TAMBORIL E  COMO SE GOLPEAN COA MAZA OU COAS BAQUETAS.

- VIMOS DIFERENTES TIPOS DE PANDEIRETAS,  AS FERREÑAS. TOCOU DIFERENTES RITMOS CON ELAS E GUSTOUNOS MOITO O RISCADO. TAMÉN NOS ENSINOU A FAMILIA GRANDE: A PANDEIRA E O PANDEIRO.

- TOCOU DIFERENTES RITMOS COAS CUNCHAS. NON SABIAMOS QUE PODÍAN PRODUCIR SONS TAN DIFERENTES!

- OS PITOS QUE ACOMPAÑAN  AOS CHASQUIDOS DOS DEDOS NO BAILE.

- QUEDAMOS IMPRESIONADOS CO BEN QUE SOAN AS CULLERES DE MADEIRA  GOLPEANDO NA PERNA.

- DESCUBRIMOS UN INSTRUMENTO NOVO DE PERCUSIÓN AS TARRAÑOLAS, SON COMA  DÚAS TABLILLAS DE MADEIRA QUE SE COLOCAN ENTRE OS DEDOS E FANSE SOAR MOVENDO A MAN.

UNHA VEZ PRESENTADAS PUIDEMOS EXPERIMENTAR CON ELAS E  TOCALAS. FOI MOI DIVERTIDO!

FAMILIA DE VENTO:

- ENSINOUNOS DIFERENTES TIPOS DE FRAUTAS. A FRAUTA DOCE, UNHA FRAUTA CHINA CHAMADA "HULUSI", A REQUINTA QUE É UNHA FRAUTA TRAVESEIRA,  UNHA FRAUTA IRLANDESA CHAMADA "WHISTLE" E O PITO PASTORIL QUE ERA A FRAUTA  QUE EMPREGABAN OS PASTORES.

- TAMÉN NOS ENSINOU A RAIÑA DA FAMILIA DE VENTO EN GALICIA, A GAITA.  DESMONTOUNA PARA QUE PUIDESEMOS VER COMO SOABAN TODAS AS SÚAS PARTES: A PALLETA E  O PUNTEIRO;  O RONCO CO PALLÓN E A COPA;  A RONQUETA; SOPRETE E O FOL. DESPOIS  TOCOU ALGUNHAS PEZAS ENTRE ELAS "A  SAIA DA CAROLINA".

GRAZAS POLA VOSA COLABORACIÓN FOI UNHA EXPERIENCIA MOI ENRIQUECEDORA!

OBRADOIRO DE FAMILIAS: QUE INSTRUMENTOS EMPREGABAN OS NOSOS ANCESTROS?

O XOVES TIVEMOS UN OBRADOIRO DE FAMILIAS SOBRE OS INSTRUMENTOS CASEIROS QUE EMPREGABAN OS NOSOS ANCESTROS.
ANTIGAMENTE NON TODO O MUNDO PODÍA PERMITIRSE TER UN INSTRUMENTO PERO ISO NON ERA MOTIVO PARA QUE A MÚSICA NON ENTRARA NAS CASAS E NAS FESTAS.

NO OBRADOIRO,  AS NAIS DE AMAIA, CAROLINA E LUCA AMOSÁRONNOS UNHA CHEA DE OBXECTOS COTIÁS QUE OS NOSOS MAIORES CONVERTÍAN EN INSTRUMENTOS DE PERCUSIÓN, VENTO E CORDA PARA FACER MÚSICA  E ACOMPAÑAR AS CANTINELAS EN MOITAS OCASIÓNS MENTRES TRABALLABAN.

COMO  O FACÍAN?  EMPREGABAN  OBXECTOS QUE TIÑAN POLA CASA COMO SACHOS, PEDRAS, LATAS DE PIMENTÓN, GARFOS, CULLERES, BOTELLAS, TESTOS, SEMENTES, PRATOS,CHAVES, RAIADORES, CUNCHAS, CORNOS, BUXAINAS,  DEDAIS ....

TAMÉN PUIDEMOS TOCALOS  NÓS MESMOS E  COMPROBAR COMO SOABAN.

MOITAS GRAZAS  GIOVANA, SHEILA E DANIELA!

PASAMOS UN RATO MOI DIVERTIDO!

OBRADOIRO DE FAMILIAS: CONSTRUÍMOS UN MARAMBOR

O MÉRCORES TIVEMOS UNHA DOBRE VISITA NO OBRADOIRO.

ESTA VEZ ACOMPAÑÁRONNOS BELÉN E MAR, A NAI E MÁIS A AVOA DE MIGUEL.

ESTAMOS INICIANDO O PROXECTO DA MÚSICA E ELAS ANIMÁRONSE PARA ENSINARNOS A CONSTRUIR UN INSTRUMENTO: UN MARAMBOR.

SABEDES O QUE É? É UN INSTRUMENTO DE PERCUSIÓN  QUE PODEMOS FACER SOAR COMO UN TAMBOR OU COMO UNHA MARACA.

COMO O FIXEMOS? NUN VASODE PLÁSTICO BOTAMOS  ARROZ, DESPOIS TAPAMOS A BOCA DO VASO CUN GLOBO. 

CO MARAMBOR  TOCAMOS  DE DÚAS MANEIRAS:

1º. COMA UNHA MARACA:  AXITAMOS O VASO, FACENDO SOAR O ARROZ. ASÍ CONSEGUIMOS UN SON MÁIS AGUDO.

2º. COMA UN TAMBOR: BELISCANDO O GLOBO, CONSEGUIMOS UN SON MÁIS GRAVE.

UNHA VEZ FEITO O MARAMBOR ESTIVEMOS CANTANDO A CANTIGA "DEBAJO DE UN BOTÓN" ACOMPAÑÁNDOA CO SON DO MARAMBOR. ALGÚNS TOCABAMOS DE MARACA CO "TIN, TIN, TIN" E OUTROS TOCABAMOS DE TAMBOR CO "TON, TON, TON".

MAR DELEITOUNOS TOCANDO O UKELELE E O PIANO COA CANTIGA DO RATO, E TAMÉN TIVEMOS A OPORTUNIDADE DE TOCAR ESES INSTRUMENTOS NÓS.

FOI UN COMEZO DE PROXECTO MOI ENTRETIDO!

GRACIÑAS MAR E BELÉN!

OBRADOIRO DE FAMILIAS: FAMILIA DE GODSWILL

O MÉRCORES RECIBIMOS NO COLE Á FAMILIA DE GODSWILL.

ESTE OBRADOIRO XA ESTABA PLANIFICADO O CURSO PASADO PERO NON PUIDO REALIZARESE PORQUE FÉLIX, O PAI DE GODSWILL,  QUE TRABALLA NO MAR,  CHEGOU DA CAMPAÑA XUSTO CANDO REMATABA O COLEXIO.

PASA MOITO TEMPO LONXE DA SÚA FAMILIA, TRABALLA NUN BARCO DE PESCA. 

TROUXO FOTOS E VÍDEOS PARA  EXPLICARNOS COMO É O BARCO NO QUE TRABALLA: 

•  AS PARTES DO BARCO: A PONTE, A CUBERTA, A BODEGA, A COCIÑA, A SALA DE MÁQUINAS, O GUINDASTRE, AS BARANDAS....; 
• A PROA QUE É A PARTE DIANTEIRA  E A POPA QUE É A PARTE TRASEIRA;  
• AS PERSOAS QUE TRABALLAN NO BARCO: O CAPITÁN, O CONTRAMESTRE, O COCIÑEIRO, O MOTORISTA, OS MARIÑEIROS COMO PESCAN,
• OS TRABALLOS NO BARCO: LANZAR REDES, RECOLLER, LIMPAR O PEIXE, CLASIFICALO, ALMACENALO...
• AS CAPTURAS: DIFERENTES TIPOS DE  PEIXE (LINGUADO, PESCADA, PEIXE SAPO, PEIXE CABRA, GALLOS,  POTAS, CALAMARES...) E MARISCO (LAGOSTA, CIGALA, LAGOSTINO...)
• A DISTRIBUCIÓN DO PEIXE UNHA VEZ QUE CHEGA AO PORTO: LONXA E SUPERMERCADOS.

FOI UN OBRADOIRO MOI INTERESANTE, XA QUE APRENDEMOS MOITOS NOMES DE PEIXES E MARISCOS!

MOITAS GRAZAS FAMILIA!

OBRADOIRO DE FAMILIAS: LAVAMOS AS MANS E OS DENTES!

ESTE VENRES TIVEMOS UN NOVO OBRADOIRO DE FAMILIAS, ESTA VEZ RELACIONADO COA SAÚDE  E A HIXIENE.

AS NAIS DE ANTÓN, MARTÍN E SARA, VIÑERON A CONTARNOS A IMPORTANCIA DE TER AS MANS E OS DENTES LIMPOS PARA EVITAR ENFERMIDADES. TAMÉN APROVEITAMOS PARA LEMBRAR QUE TIPO DE COMIDA É SAUDABLE E CAL NON.

DESPOIS DE VER UNS VÍDEOS CURTIÑOS SOBRE LAVADO DE MANS E DENTES, FIXEMOS UN EXPERIMENTO: NUN PRATO CON AUGA, SIMULAMOS UNHAS BACTERIAS (CON PEREXIL). SE UN DEDO CON XABÓN TOCA A AUGA CON "BACTERIAS", QUE PASARÁ?

REPASAMOS COMO HAI QUE LAVAR OS DENTES E CANTAS VECES COA SUPERBOCA QUE NOS TROUXERON.

LEMBRAMOS CALES SON OS ALIMENTOS SAUDABLES E CALES NON.

MOITÍSIMAS GRAZAS ÁS TRES POR  COMPARTIR CONNOSCO UN CHISQUIÑO DO VOSO TEMPO!

OBRADOIRO DE FAMILIAS: SAN JORDI

 

ESTA SEMANA, O OBRADOIRO DE FAMILIAS ESTIVO RELACIONADO COA CELEBRACIÓN DO DÍA DO LIBRO.

NESTE CASO, A NAI DE MARTÍN E VALERIA VEU AO "COLE" A CONTARNOS A HISTORIA DE SAN JORDI, UN VALENTE CABALEIRO QUE ÍA POLO MUNDO AXUDANDO ÁS PERSOAS NECESITADAS.

SEGUNDO A LENDA, SALVOU A UNHA PRINCESA DE MORRER DEVORADA POLO DRAGÓN.

DO SANGUE DO DRAGÓN BROTOU UN ROSAL DE ROSAS VERMELLAS.

DE AHÍ VÉN A TRADICIÓN EN CATALUÑA DE AGASALLAR CUNHA ROSA OU UN LIBRO O DÍA 23 DE ABRIL.

E DESPOIS DE ESCOITAR O CONTO DE SAN JORDI, FIXEMOS O NOSO PROPIO DRAGÓN.

FOI MOI DIVERTIDO, GRAZAS!!

OBRADOIRO DE FAMILIAS: PLASTILINA CASEIRA

O VENRES VEU ELENA, A TÍA DE JULIA, PARA FACER UN OBRADOIRO DE PLASTILINA CASEIRA.

PARA FACELA NECESITAMOS: FARIÑA, ACONDICIONADOR DE PELO, ACEITE, COLORANTE ALIMENTARIO E ... MOITA FORZA NAS MANS PARA AMASAR!

CUSTOUNOS UN POUCO LIGAR A MASA PORQUE AO MESMO TEMPO DE AMASAR TIÑAMOS QUE APRETAR FORTE COS DEDOS. 

AO FINAL CONSEGUIMOS FACER UNHAS BÓLAS DE CORES.

PASÁMOLO MOI BEN!

GRACIÑAS ELENA!

OBRADOIRO DE FAMILIAS: FABIO E MIGUEL

CONTINUAMOS COS OBRADOIROS DE FAMILIAS.

ESTA VEZ FIXEMOS DOUS OBRADOIROS SIMULTÁNEOS DE EXPERIMENTOS.

- FABIO E A SÚA MAMÁ REPRESENTARON O CONTO DE "O COELLIÑO BRANCO" A TRAVÉS DO TEATRO DE SOMBRAS. FOI UNHA EXPERIENCIA ENRIQUECEDORA E MÁXICA (A TEA, A LUZ, AS VARIACIÓNS DE TAMAÑO...). DESPOIS DO CONTO BAILAMOS DETRÁS DA TEA CON DIFERENTES COMPLEMENTOS: SOMBREIROS,  ORELLAS DE ANIMAIS,  CAPAS...

- A MAMÁ DE MIGUEL CONTOUNOS O CONTO DE "A EIRUGA LARPEIRA" E DESPOIS ENSINOUNOS COMO FACER VOAR UNHA BOLBORETA CON ELECTRICIDADE ESTÁTICA. PRIMEIRO FIXEMOS AS BOLBORETAS CON ÁS DE PAPEL DE SEDA, DESPOIS FROTAMOS UN GLOBO COA ROUPA E COMPROBAMOS QUE AO ACHEGAR O GLOBO ÁS ÁS COMEZARON A MOVERSE!! PARECÍA ALGO MÁXICO!!

MOITAS GRAZAS POLA VOSA COLABORACIÓN!

OBRADOIRO DE XOGOS

HOXE TIVEMOS UN NOVO OBRADOIRO DE FAMILIAS.  A MAMÁ E O PAPÁ DE JIMENA VIÑERON AO "COLE" PARA ENSINARNOS TRES XOGOS MOI DIVERTIDOS.

PRIMEIRO XOGAMOS AO BINGO CUNHA RULETA E OS CARTÓNS. TIÑAMOS QUE ESTAR MOI ATENTOS PARA RISCAR AS IMAXES QUE SAÍAN NA RULETA. AO RISCALAS TODAS HABÍA QUE LEVANTAR A MAN E DICIR: ¡BINGO!

O SEGUNDO XOGO FOI O "MONSTER KID". UN XOGO DE CARTAS CON PARTES DO  CORPO, BARALLÁBANSE NA PANTALLA E TIÑAMOS QUE DEBUXAR O QUE SAÍA: CORPO, OLLOS, PELO, RABO, ANTENAS...  COMO RESULTADO TIÑAMOS UNS MONSTROS MOI ALEGRES. 

O TERCEIRO XOGO FOI UN "ROLL PLAY". HABÍA QUE TIRAR UN DADO, SEGUNDO A  COR QUE SAÍA TIÑAMOS QUE REALIZAR ACCIÓNS: BUSCAR UNHA COR, REALIZAR UN RETO, IMITAR UN ANIMAL...

PASÁMOLO MOI BEN! MOITAS GRAZAS POLA VOSA COLABORACIÓN!