ESCOLA HÍPICA "LA MURALLA"

POR FIN CHEGOU O DÍA DA SAÍDA! AUTOBÚS! CABALOS!            

NON FOI UN DÍA MOI BONITO PORQUE CHOVÍA MIUDIÑO PERO ... ESTABAMOS "SÚPER" EMOCIONADAS E EMOCIONADOS! PARA ALGÚNS E ALGUNHAS ERA A PRIMEIRA EXPERIENCIA CON ESTES ANIMAIS.

NADA MÁIS CHEGAR Á ESCOLA DE HÍPICA "LA MURALLA" FOMOS A UNHA SALA ONDE NOS EXPLICARON O QUE IAMOS FACER. PRIMEIRO MESTURAMONOS EN DOUS GRUPOS E FOMOS A UN ESPAZO DE ADESTRAMENTO CUBERTO PARA  SACAR UNHA FOTO MONTADOS NOS CABALOS!

CADA GRUPO FIXO UNHA ACTIVIDADE, MERENDAMOS E DESPOIS ROTAMOS:

- UN GRUPO FOI COÑECER OS ESTABLOS E AS "CUADRAS" ONDE HABÍA ALGÚNS CABALOS E ALGUNHAS EGUAS: WATERFALL, ARABITA, BOMBA, PIPO...

• 
  ENSINÁRONOS O QUE COMEN E EXPLICÁRONNOS CANTAS VECES O FAN  AO DÍA, DESCUBRIMOS QUE  BEBEN 50 LITROS DE AUGA AO DÍA, QUE LLES GUSTA O SAL E QUE EN CADA "CUADRA" TEÑEN UNHA PEDRA  DE SAL PARA LAMER.
• APRENDEMOS A RECOÑECER OS MACHOS DAS FEMIAS, OS  CABALOS TEÑEN UNHA MOA NA BOCA QUE NON TEÑEN AS EGUAS, DESCUBRIMOS QUE LLE MEDRAN OS DENTES E CANTO MÁIS VELLOS VAN, MAÍS SUCIOS OS TEÑEN.  
• FALÁRONNOS DA SÚA PELAXE: A MANCHA NA CABEZA CHÁMASE "CARETO", AS MANCHAS DAS PATAS "CALCETÍNS", ALGÚNS TEÑEN UNHA ESPECIA DE TATUAXE QUE SE CHAMA "EL HIERRO".
  
• EXPLICÁRONOS POR QUE HAI CABALOS CON FERRADURAS E OUTROS QUE NON AS TEÑEN.
• CONTÁRONNOS QUE SE ESTES ANIMAIS POÑEN AS ORELLAS PARA ATRÁS SIGNIFICA QUE ESTÁN NERVIOSOS OU ENFADADOS E O MELLOR É RETIRARSE OU AFASTARSE DELES. NON DEBEMOS MOVERNOS POR DETRÁS DELES POR SE SE ASUSTAN E DAN UNHA COUCE. 
• FALÁRONOS DOS COIDADOS: LIMPAR AS "CUADRAS", PEITEALOS, LIMPARLLE OS CASCOS,  REVISARLLE OS DENTES, SACALOS A PASTAR...
• ENSINÁRONNOS UN CABALO QUE TIÑA 5 ANOS COMA NÓS QUE ERA GRANDÍSIMO  E VIMOS OUTROS DOUS QUE  TIÑAN 30 ANOS, UN DELES ERA O PONI "PIPO".
  
• ALGÚNS DESTES CABALOS E EGUAS COMPETÍAN EN "SALTO" E "HORSEBALL" E ERAN CAMPIÓNS.

- O OUTRO GRUPO FOI A DAR UN PASEO NONTANDO A CABALO E TAMÉN APRENDEU COMO HAI QUE CEPILLALOS.

  

                     FOI UN DÍA ESTUPENDO!

SAÍDA AO TEATRO

HOXE FOMOS AO EDIFICIO DE AFUNDACIÓN EN AUTOBÚS PARA VER A OBRA DE TEATRO "VUELAPLUMA".

TRÁTASE DUN ESPECTÁCULO QUE CONTA A HISTORIA DUN PAXARO CHAMADO ROBIN QUE VIVÍA «FELIZ» NA SÚA GAIOLA, ATA QUE UN DÍA TIVO UN SOÑO… A GAIOLA ABRIUSE E AS SÚAS ÁS LEVÁRONLLE NA PROCURA DOUTROS PAXAROS COMO EL. NO CAMIÑO COÑECEU A UN COELLO, UNHAS RAS, UN SALMÓN, A BRANCA E A O ESPANTALLO.

A TRAVÉS DOS TÍTERES, DA MÚSICA E DAS DIFERENTES ESCENAS  ESTA OBRA CONVIDA A GRANDES E PEQUES A REFLEXIONAR SOBRE A LIBERDADE, A AMIZADE, A PROCURA DOS NOSOS SOÑOS E O RESPECTO POLA VERDADEIRA NATUREZA DOS SERES VIVOS. ASÍ COMO A PENSAR QUE  AXUDÁNDONOS OS UNS AOS OUTROS CONSEGUIREMOS CHEGAR MOITO MÁIS LONXE, COMO LLES PASOU A ROBIN E A BRANCA.

DEIXÁMOSVOS UN TRAILER DA MESMA:

FOI UNHA BONITA EXPERIENCIA!

VISITAMOS A OFICINA DE CORREO

ONTE FOMOS DE VISITA Á OFICINA DE CORREOS QUE ESTÁ PRETO DO COLEXIO PARA ENVIAR AS NOSAS POSTAIS.

RECIBÍRONNOS NA PORTA E ACOMPAÑÁRONNOS PARA VISITAR AS INSTALACIÓNS.

ENSINÁRONNOS O LUGAR ONDE CLASIFICAN AS CARTAS PARA ENVIAR DESPOIS AOS ENDEREZOS.

SELÁRONNOS O NOSO PASAPORTE DE CARTEIROS.

PUIDEMOS VER UNHA FURGONETA E UNHA MOTO QUE EMPREGAN PARA FACER O REPARTO DAS CARTAS E PAQUETES.

TAMÉN PUIDEMOS MANEXAR OS CARRIÑOS E INCLUSO VIMOS OS BULTOS DOS NOVOS BUZÓNS QUE VAN REEMPRAZAR AOS VELLOS QUE HAI POLAS RÚAS.

BOTAMOS A NOSA CARTA NO BUZÓN!

E PARA REMATAR ... SORPRESA!    APARECEU UN ELFO EN MOTO!

COMO NON CHOVEU GOZAMOS TAMÉN DO PASEO ATA A OFICINA.

SAIMOS A COÑECER OS ARREDORES DO "COLE"

APROVEITANDO O BO TEMPO QUE FAI PARA A ÉPOCA DO ANO  NA QUE ESTAMOS, O VENRES  SAÍMOS POLOS ARREDORES DO COLEXIO PARA OBSERVAR E EXPLORAR  A NATUREZA NO OUTONO.

A SAÍDA FOI MOI COMPLETA: FIXEMOS EXERCIZO, XA QUE FOMOS CAMIÑANDO; RECOLLEMOS FOLLAS, PAUS, CASTAÑAS (ALGUNHA TRAÍA VERME), LANDRAS; FIXÉMONOS FOTOS; ABRAZAMOS AS ÁRBORES...

AÍNDA QUE AS NENAS E NENOS BOTARON DE MENOS O AUTOBÚS (NON FACÍAN MÁIS QUE PREGUNTAR CANDO MONTABAMOS NEL) Á VOLTA NON QUERÍAN MARCHAR!!

SAÍR AO MONTE FOI MOI DIVERTIDO!

VISITAMOS APÍPOLIS

QUE BEN O PASAMOS EN APÍPOLIS!

ESTIVEMOS TRABALLANDO TODA A MAÑÁ!

VISITAMOS O APIARIO, VESTIDOS CON TRAXES DE APICULTORES.  PUIDEMOS VER DE PRETO UNHA COLMEA. ATA VIMOS UNHA LARVA NUNHA CELA DUN PANAL!

ELABORAMOS UNHAS GALLETAS CON MEL, FARIÑA, OVOS, LÉVEDO.

TIVEMOS A OPORTUNIDADE DE EXTRAER O MEL DO PANAL. A MANIVELA  DA CENTRIFUGADORA ESTABA UN POUCO FORTE E CUSTABA MOVELA.

ELABORAMOS UNHA CANDEA CON CERA  E ... PROBAMOS O MEL!

VISITAMOS A EXPOSICIÓN PARA VER NAS COLMEAS DE OBSERVACIÓN Á RAÍÑA.

FOI UN DÍA MOI INTENSO PERO PASÁMOLO FENOMENAL!

SAÍDA AO TEATRO

HOXE FOMOS DE EXCURSIÓN ATA O EDIFICIO DE AFUNDACIÓN PARA DESFRUTAR DA OBRA DE TEATRO "É ENTÓN UN XARDÍN".  HABÍA MARIONETAS DE ANIMAIS MOI SIMPÁTICOS QUE NOS FACÍAN RIR: UN MANDRIL, UNS FLAMENGOS, UN OURIZO, UN RINOCERONTE...

TRÁTASE DUNHA COMEDIA MUSICAL E  TEATRAL A TRAVÉS DA QUE SE REIVINDICAN VALORES  PRESENTES NO MUNDO NATURAL: A EMPATÍA, A RESPONSABILIDADE E O RESPECTO. 

SAÍDA AO TEATRO

HOXE FOMOS  EN AUTOBÚS  ATA O EDIFICIO DE  AFUNDACIÓN PARA VER A OBRA DE TEATRO DE MARIONETAS "PINGÜÍN". ESTABAMOS MOI EMOCIONADOS PORQUE FOI A PRIMEIRA SAÍDA DO COLE!!

A FAMILIA PINGÜÍN PROTAGONIZA ESTA HISTORIA. MAMÁ PINGÜÍN POLAS MAÑÁS COIDA DA CASA E POLAS TARDES PESCA. O PAPÁ PINGÜÍN POLAS MAÑÁS PESCA E POLAS TARDES COIDA DA CASA. O SEU FILLO, O PEQUENO BOBO, FAI O QUE MÁIS LLE GUSTA "COMER E XOGAR". UN DÍA A SÚA NAI DILLE QUE VAI TER UN IRMANCIÑO E BOBO SÉNTESE COMA  "O PRINCIPE DESTRONADO". AO PRINCIPIO CÚSTALLE ACEPTALO, PERO DESPOIS DUNHA INCRIBLE AVENTURA COMPRENDE QUE GAÑOU UN AMIGO PARA TODA A VIDA, O SEU IRMÁN BUBU.

DEIXÁMOSVOS AQUÍ UN VÍDEO CUN ANACO DA OBRA. FOI MOI DIVERTIDA!!