VOCABULARIO DE SAMAÍN LSE

AQUÍ VOS DEIXAMOS ALGÚN VOCABULARIO EN GALEGO E LSE  SOBRE A FESTA DO SAMAÍN QUE ESTAMOS A TRABALLAR NAS AULAS ESTES DÍAS.

PREPARÁMONOS PARA O SAMAÍN!

ESTES DÍAS ANDAMOS MOI ATAREFADAS E ATAREFADOS FACENDO ACTIVIDADES RELACIONADAS CÓ SAMAÍN.

XA DECORAMOS A PORTA DE ENTRADA ÁS AULAS ...

TAMÉN ESTAMOS A ELABORAR UNHA COROA DE CABAZA, MORCEGOS, ...

 

... E CONTINUAMOS APRENDENDO VOCABULARIO DESTA FESTA COA CANCIÓN DE PACO NOGUEIRAS EN LÍNGUA DE SIGNOS. 

CANTIGA DE SAMAÍN

O PAPÁ DE ANTÍO PEQUENO E ANTIÍÑO ANDA POLO COLE  E VEU ANUNCIAR QUE LLE GUSTA MOITO A FESTA DO SAMAÍN E QUERE QUE LLE AXUDEMOS A PREPARALA. 

SABEDES QUE SAMAÍN SIGNIFICA "FIN DO VERÁN"?. 

OS CELTAS, REMATADAS AS COLLEITAS, CELEBRABAN A CHEGADA DUN NOVO ANO A ÚLTIMA NOITE  DO MES DE OUTUBRO. 

TAMÉN PREPARABAN RITUAIS SOBRE A VOLTA DOS MORTOS AO MUNDO DOS VIVOS, E PARA GUIALOS, DEIXABAN CABAZAS BALEIRAS CON  CANDEAS  ACENDIDAS  NAS ENTRADAS DAS CASAS, TAMÉN COMIDA E BEBIDA A MODO DE OFRENDA.

POIS BEN, ESTA É A CANTIGA QUE IMOS PREPARAR PARA O DÍA DA GRAN FESTA DO SAMAÍN NO COLE. 

ANIMÁDEVOS A CANTALA E A BAILALA! É MOI DIVERTIDA!

CARTA DE LAMPI

HOXE RECIBIMOS UNHA CARTA DE LAMPI, A MASCOTA DA BIBLIOTECA, NA QUE NOS CONTABA QUE SE ESTABA ACHEGANDO UNHA DAS FESTAS MÁIS IMPORTANTES DO OUTONO "O SAMAÍN". 

CONVIDOUNOS A VISITAR A BIBLIOTECA E A EMPRESTARNOS ALGÚNS LIBROS CON HISTORIAS E PERSONAXES MÁXICOS DO SAMAÍN.

A TRAVÉS DESTAS LECTURAS ACHEGARÉMONOS Á EMOCIÓN DO MEDO.QUE COUSAS NOS DAN MEDO? SON REAIS OU IMAXINARIAS? COMO PODEMOS SUPERAR ESES MEDOS?

AQUÍ VOS AMOSAMOS ALGÚNS DOS CONTOS CÓS QUE TRABALLAMOS

ANTIÍÑO E ANTÍO PEQUENO, ANÚNCIANNOS QUE ... CHEGOU O OUTONO!!

XA ESTAMOS NO OUTONO!!!  AS FOLLAS CAEN, O VENTO SOPRA, O CEO ÉNCHESE DE NUBES, RECUPERAMOS O PARAUGAS E O ABRIGO. O CHAN CÓBRESE CON FOLLAS AMARELAS, VERMELLAS E MARRÓNS.

PERO ESTE ANO O OUTONO ESTÁ UN POUCO TOLO!

MENOS MÁL QUE CHEGARON ANTIÍÑO E ANTÍO PEQUENO ÁS AULAS PARA AVISARNOS!

                                            

            

                                                

ANTÍO PEQUENO E ANTIÍÑO SON UNS ESQUÍOS QUE SEMPRE, SEMPRE, SEMPRE; APARECEN NO "COLE" PARA AVISARNOS DA CHEGADA DO OUTONO.

ÁS VECES, TRÁENNOS AGASALLOS RELACIONADOS CÓ OUTONO: FROITOS SECOS, FOLLAS, XOGOS, CONTOS, ... PARA TRABALLAR CON ELES.

POR EXEMPLO, AGORA ESTAMOS APRENDENDO TIPOS DE FROITOS SECOS: CASTAÑAS, AVELÁS, NOCES, ...

... E TAMÉN ESTAMOS A APRENDER ESTA CANTIGA. ANIMÁDEVOS A CANTAR CONNOSCO!