OBRADOIRO DE FAMILIAS: XABIER

O VENRES, NOVO OBRADOIRO DE FAMILIAS,  VEU VISITARNOS DANIELA, A NAI DE XABIER. 

ELA É MATRONA, AXUDA ÁS MAMÁS DURANTE O EMBARAZO E TAMÉN NO MOMENTO DO NACEMENTO DO BEBÉ.

CON ELA FIXEMOS UN XOGO ONDE TIÑAMOS QUE DECIDIR QUE COUSAS SON BOAS PARA AS NAIS CANDO ESTÁN EMBARAZADAS E QUE COUSAS SON MALAS.

DESPOIS CONTOUNOS O CONTO "O EMBIGO DE XANECAS" ONDE DESCUBRIMOS O POR QUE DO NOSO EMBIGO.

TROUXO UN APARELLO CO QUE SE PODÍA ESCOITAR O LATEXO DO CORAZÓN E PUIDEMOS COMPROBAR QUE O CORAZÓN DE XABIER LATEXA MOITO MÁIS RÁPIDO QUE  O DE DANIELA. CONCLUIMOS QUE O CORAZÓN DOS ADULTOS TATEXA MOITO MÁIS LENTO QUE O DAS NENAS E NENOS OU O DOS BEBÉS.

TAMÉN NOS CONTOU UN CONTO SOBRE O QUE OCORRE DURANTE O EMBARAZO E O NACEMENTO TITULADO "NACE UN BEBÉ".  

DESCUBRIMOS A BOLSA DA PLACENTA, QUE OS BEBÉS RESPIRAN E SE ALIMENTAN A TRAVÉS DO CORDÓN UMBILICAL, QUE MEDRAN RODEADOS DE LÍQUIDO AMNIÓTICO, QUE ESTÁN CUBERTOS DUNHA CAPA BRANCA QUE FAI QUE NON SE ENGURREN NO LÍQUIDO, QUE XOGAN DENTRO DA BARRIGA COS DEDOS E COS PÉS...

REMATAMOS DISFRUTANDO COAS COUSAS QUE  TROUXO: UN BEBÉ, UNHA PLACENTA CUN CORDÓN UMBILICAL, UN FONENDOSCOPIO PARA EMBARAZADAS...

FOI UN OBRADOIRO MOI INTERESANTE NO QUE APRENDEMOS ALGUNHAS CURIOSIDADES SOBRE OS BEBÉS.

MOITAS GRAZAS POLA VISITA DANIELA!

OBRADOIRO MUSICAL CON SUSA HERRERA

HOXE TIVEMOS UN OBRADOIRO MUSICAL CON SUSA HERRERA ONDE NOS PRESENTOU O SEU NOVO LIBRO MUSICAL "LA MOTO DE RUFINO" ADEMAIS DE AGASALLARNOS CON OUTRAS CANCIÓNS.

NESTE OBRADOIRO, ADEMAIS DE CANTAR, TIVEMOS QUE PARTICIPAR XUNTO A ELA FACENDO SONS CON PERCUSIÓN CORPORAL, ONOMATOPEAS, ...

ATA AS "PROFES" SAÍRON A CANTAR E BAILAR CON ELA!

      

CELEBRACIÓN DAS LETRAS GALEGAS

ESTE XOVES FIXEMOS O CERTAME DE POESÍA. TODO O ALUMNADO DE INFANTIL SUBIU AO ESCENARIO PARA RECITAR O  POEMA DA SÚA AULA.AGASALLARON A NOSA PARTICIPACIÓN CUN DIPLOMA, UN LIBRO PARA A AULA E UNHA MEDALLA.

O VENRES, CONCERTO COA "A GRAMOLA GOMINOLA" CANTAMOS E BAILAMOS EN GALEGO CON ESTA BANDA DE ROCK&ROLL ALGUNHAS DAS SÚAS CANTIGAS MÁIS COÑECIDAS QUE TRABALLAMOS PREVIAMENTE COA PROFE LOLA: HE HO LET´S GO, A PITA RECORDS, CAMPIÓN INTERNACIONAL...

O GALEGO MOLA!

OBRADOIRO DE FAMILIAS: MANUALIDADES

HOXE TIVEMOS UN NOVO  OBRADOIRO DE FAMILIAS.

NESTA OCASIÓN VIÑERON AO COLE A MAMÁ DE MURIELLE, DE LUCAS E DE NAIRA PARA FACER MANUALIDADES.

• PRIMEIRO EXPLICÁRONNOS COMO FACER UNHA "NUBE ARCOIRIS". TIVEMOS QUE PEGAR CINTAS DE CORES NUNHA NUBE E DESPOIS DECORALA CON OLLOS, ALGODÓN E PEGAMENTO CON PURPURINA. QUEDARON ESPECTACULARES!

- DESPOIS FIXEMOS UN  "PORTADEBUXOS" PEDÍRONNOS QUE DEBUXÁRAMOS ALGO QUE QUIXERAMOS MOITO: A NOSA FAMILIA, A NOSA MASCOTA, OS AMIGOS E AS AMIGAS... CANDO REMATAMOS DÉRONNOS UN MARCO DE MADEIRA DE CORES QUE DECORAMOS CON PEGATINAS DE DIFERENTES TIPOS. 

QUEDARON UNS CADROS MOI XEITOSOS!

GRAZAS POLA VOSA VISITA!

ESCOLA HÍPICA "LA MURALLA"

POR FIN CHEGOU O DÍA DA SAÍDA! AUTOBÚS! CABALOS!            

NON FOI UN DÍA MOI BONITO PORQUE CHOVÍA MIUDIÑO PERO ... ESTABAMOS "SÚPER" EMOCIONADAS E EMOCIONADOS! PARA ALGÚNS E ALGUNHAS ERA A PRIMEIRA EXPERIENCIA CON ESTES ANIMAIS.

NADA MÁIS CHEGAR Á ESCOLA DE HÍPICA "LA MURALLA" FOMOS A UNHA SALA ONDE NOS EXPLICARON O QUE IAMOS FACER. PRIMEIRO MESTURAMONOS EN DOUS GRUPOS E FOMOS A UN ESPAZO DE ADESTRAMENTO CUBERTO PARA  SACAR UNHA FOTO MONTADOS NOS CABALOS!

CADA GRUPO FIXO UNHA ACTIVIDADE, MERENDAMOS E DESPOIS ROTAMOS:

- UN GRUPO FOI COÑECER OS ESTABLOS E AS "CUADRAS" ONDE HABÍA ALGÚNS CABALOS E ALGUNHAS EGUAS: WATERFALL, ARABITA, BOMBA, PIPO...

• 
  ENSINÁRONOS O QUE COMEN E EXPLICÁRONNOS CANTAS VECES O FAN  AO DÍA, DESCUBRIMOS QUE  BEBEN 50 LITROS DE AUGA AO DÍA, QUE LLES GUSTA O SAL E QUE EN CADA "CUADRA" TEÑEN UNHA PEDRA  DE SAL PARA LAMER.
• APRENDEMOS A RECOÑECER OS MACHOS DAS FEMIAS, OS  CABALOS TEÑEN UNHA MOA NA BOCA QUE NON TEÑEN AS EGUAS, DESCUBRIMOS QUE LLE MEDRAN OS DENTES E CANTO MÁIS VELLOS VAN, MAÍS SUCIOS OS TEÑEN.  
• FALÁRONNOS DA SÚA PELAXE: A MANCHA NA CABEZA CHÁMASE "CARETO", AS MANCHAS DAS PATAS "CALCETÍNS", ALGÚNS TEÑEN UNHA ESPECIA DE TATUAXE QUE SE CHAMA "EL HIERRO".
  
• EXPLICÁRONOS POR QUE HAI CABALOS CON FERRADURAS E OUTROS QUE NON AS TEÑEN.
• CONTÁRONNOS QUE SE ESTES ANIMAIS POÑEN AS ORELLAS PARA ATRÁS SIGNIFICA QUE ESTÁN NERVIOSOS OU ENFADADOS E O MELLOR É RETIRARSE OU AFASTARSE DELES. NON DEBEMOS MOVERNOS POR DETRÁS DELES POR SE SE ASUSTAN E DAN UNHA COUCE. 
• FALÁRONOS DOS COIDADOS: LIMPAR AS "CUADRAS", PEITEALOS, LIMPARLLE OS CASCOS,  REVISARLLE OS DENTES, SACALOS A PASTAR...
• ENSINÁRONNOS UN CABALO QUE TIÑA 5 ANOS COMA NÓS QUE ERA GRANDÍSIMO  E VIMOS OUTROS DOUS QUE  TIÑAN 30 ANOS, UN DELES ERA O PONI "PIPO".
  
• ALGÚNS DESTES CABALOS E EGUAS COMPETÍAN EN "SALTO" E "HORSEBALL" E ERAN CAMPIÓNS.

- O OUTRO GRUPO FOI A DAR UN PASEO NONTANDO A CABALO E TAMÉN APRENDEU COMO HAI QUE CEPILLALOS.

  

                     FOI UN DÍA ESTUPENDO!

OBRADOIRO DE FAMILIAS: PROFESIÓN DE CANTEIRO E CONTO SOBRE ALIMENTACIÓN SAUDABLE.

ESTE VENRES TIVEMOS UN DOBRE OBRADOIRO COA FAMILIA DE MARA.

POR UNHA BANDA ESTIVO RUBÉN, O PAI DE MARA, QUE É CANTEIRO.  APRENDEMOS QUE O CANTEIRO É A PERSOA QUE FAI TRABALLOS COA PEDRA. PODEN CONSTRUÍR CON PEDRA:  EDIFICIOS, HÓRREOS, MUROS..., TAMÉN CRUCEIROS E ESCULTURAS  PARA DECORAR. 

TROUXO AO "COLE" ALGUNHAS DAS OBRAS QUE TIÑA FEITAS EN PEDRA: UN HORREO, UN CRUCEIRO, A ESCULTURA DUN PÉ DE MULLER...

TAMÉN TROUXO AS FERRAMENTAS QUE EMPREGA PARA O SEU TRABALLO: MACETAS (PARA GOLPEAR NA PEDRA DE DIFERENTES TAMAÑOS),  PUNTEIROS, LIMAS, ESCUADROS PARA COMPROBAR QUE OS RECANTOS ESTÁN RECTOS, ...

E OS ELEMENTOS DE PROTECCIÓN QUE EMPREGA NO TRABALLO: GAFAS, MÁSCARA E TAPÓNS OU ORELLEIRAS.

CONTOUNOS QUE TRABALLA CON GRANITO, QUE É UNHA DAS PEDRAS MÁIS DURAS QUE EXISTEN, A QUE MÁIS ABUNDA EN gALIZA E QUE DEBE A SÚA DUREZA Á COMPOSICIÓN DESTA: O CUARZO, O FELDESPATO E  A MICA. ESTIVEMOS TOCÁNDO ALGÚNS ANACOS DESTA PEDRA, COMPROBANDO A SÚA DUREZA  E DIFERENZANDO OS SEUS TRES COMPOÑENTES.

EXPLICOUNOS QUE ANTES DE FACER UNHA OBRA OU PEZA EN PEDRA HABÍA QUE MODELALA EN BARRO PARA ESTUDALA PREVIAMENTE. 

ASÍ QUE DESPOIS CONVIDOUNOS A FACER O TRABALLO PREVIO DUN CANTEIRO E MODELAMOS EN PLASTILINA ALGUNHAS PEZAS. 

SAÍRONNOS OBRAS REALMENTE ESPECTACULARES!

POR OUTRA BANDA, DESPOIS DO TRABALLO DE MODELADO CON PLASTILINA, CRISTINA, A NAI DE MARA,  CONTOUNOS UN CONTO SOBRE ALIMENTACIÓN SAUDABLE PARA COIDAR A MICROBIOTA INTESTINAL: "SANOTES, SANITOS".

CRISTINA AGASALLOUNOS CUN EXEMPLAR DO CONTO PARA O "COLE" E RUBÉN CUN IMÁN PARA CADA AULA.

MOITÍSIMAS GRAZAS AOS DOUS POLA VOSA VISITA!

PREPARANDO O CERTAME DE POESÍA

 XA SE ACHEGA O CERTAME DE POESÍA, UNHA DAS ACTIVIDADES DO CENTRO PARA CELEBRAR O DÍA DAS LETRAS GALEGAS. 

O XOVES PRESENTAREMOS O NOSO POEMA DIANTE DO ALUMNADO DE INFANTIL DE 3 E 4 ANOS ENRIBA DUN ESCENARIO.

ESTE ANO IMOS CENTRAR OS POEMAS NO FINAL DESTA ETAPA DE INFANTIL. ANIMÁDEVOS A PRACTICAR COA NOSA ILSE!

POEMA GRUPO A:

POEMA GRUPO B:

OBRADOIRO DE FAMILIAS: TRAXE TRADICIONAL GALEGO

ESTE VENRES TIVEMOS UN NOVO OBRADOIRO DE FAMILIAS.  PILAR, A NAI DE XOEL, VEU AO COLE PARA ENSINARNOS COMO SON  "OS TRAXES TRADICIONAIS GALEGOS".

VEU CARGADA CUNHA MALETA E PERCHAS. TRÓUXONOS  OS TRAXES COS QUE BAILAN XOEL E MAIS ELA NOS GRUPOS DE BAILE TRADICIONAL AOS QUE PERTENCEN.

PILAR CONTOUNOS QUE, TEMPO ATRÁS,  ESTA ROUPA COSÍANA AS MAMÁS E AVOAS NAS CASAS. NON HABÍA TANTA ROUPA COMO AGORA. TAMPOUCO ERAN MOI DIFERENTES AS PEZAS DE ROUPA DE VERÁN  E AS DE  INVERNO. O ÚNICO QUE AS DIFERENZABA ERA O TECIDO, SENDO O LIÑO O TECIDO QUE EMPREGABAN NA ÉPOCA DE CALOR E O PANO PARA O FRÍO.

CHAMÁRONNOS MOITO A ATENCIÓN ALGÚNS DOS NOMES DAS DIFERENTES PEZAS DE ROUPA E A CANTIDA DE REFAIXOS QUE LEVABAN.

NO TRAXE DE XOEL VIMOS: A MONTEIRA, A CAMISA, O CHALECO, A FAIXA, OS CALZÓNS, AS CIROLAS E AS POLAINAS.

NO TRAXE DE PILAR VIMOS: AS MEDIAS, A ENAGUA, A SAIA, A BLUSA, O MANTÓN, O MANDIL, O DENGUE, A CHAQUETA, A PAÑOLETA E O SAN COSMEIRO.

EMPREGABAN A MESMA ROUPA PARA TRABALLAR, QUE PARA IR DE FESTA. AS MULLERES SOAMENTE CAMBIABAN ALGUNHAS PEZAS COMA O MADIL, O MANTÓN...  A ROUPA DAS FESTAS CARACTERIZÁBASE PORQUE TIÑA  MÁIS ADORNOS  E FLOCOS.

TAMÉN NOS SORPRENDEU  QUE A ROUPA DAS FESTAS DAS MULLERES FOSE NEGRA. INCLUSO SE ÍAN CASAR, O TRAXE ERA NEGRO, NON COMO AGORA QUE VISTEN  DE BRANCO.

CONVENCIMOS A PILAR E A XOEL  PARA QUE NOS BAILARAN  UN POUQUIÑO UNHA PEZA. 

REMATAMOS TOCANDO E POÑENDO ALGUNHAS DAS PEZAS DE ROUPA. 

GRAZAS PILAR POR ACHEGARNOS UN POUCO DA NOSA CULTURA!