23 DE FEBREIRO: DÍA DE ROSALÍA

ESTE 23 DE FEBREIRO DEDICADO A ROSALÍA DE CASTRO TIVEMOS A OPORTUNIDADE DE LEMBRAR COUSAS QUE XA SABIAMOS DELA PERO TAMÉN, DESCUBRIR OUTRAS NOVAS.

MOITOS MÚSICOS  PUXÉRONLLE AOS POEMAS DE ROSALÍA MÚSICA;  CONVERTÍNDOOS  EN CANTIGAS.

HOXE NESTE RECANTO DO COLE  PUIDEMOS DESCUBRIR ALGUNHAS DAS MÁIS COÑECIDAS  E GOZAR DE DIFERENTES ESTILOS MUSICAIS.  PARA ESCOITALAS TIVEMOS QUE LER CÓDIGOS QR COA TABLET. FOI MOI ENTRETIDO! 

DÍA DE ROSALÍA DE CASTRO

 O 24 DE FEBREIRO CELEBRAMOS O DÍA DE ROSALÍA DE CASTRO. 

ESTA RECOÑECIDA ESCRITORA GALEGA REFLICTE NOS SEUS VERSOS  A FERMOSURA DE GALICIA E DA SÚA XENTE. AS NENAS E NENOS DE 3, 4 E 5 ANOS TRABALLAMOS O COÑECIDO POEMA DE:  

"ADEUS RÍOS, ADEUS FONTES,

ADEUS REGATOS PEQUENOS,

ADEUS VISTA DOS MEUS OLLOS,

NON SEI CANDO NOS VEREMOS.

MIÑA TERRA, MIÑA TERRA,

TERRA ONDE MEU CRIEI, 

HORTIÑA QUE QUERO TANTO,

FIGUEIRIÑAS QUE PLANTEI.

..."

COA AXUDA DAS NOSAS FAMILIAS FIXEMOS FOTOGRAFÍAS DE ELEMENTOS DA CONTORNA QUE SE NOMEAN NESTE POEMA: RÍOS, FONTES, REGATOS, HORTAS, FIGUEIRAS, PRADOS, PINARES, PAXARIÑOS, CAMIÑOS, CAMPÁS, IGREXAS... CON TODAS ELAS FIXEMOS UNHA EXPOSICIÓN NA BIBLIOTECA DO COLEXIO.

SE VOS ANIMADES PODEDES PASAR A VISITALA POLAS TARDES! E XA DE PASO LER ALGÚN LIBRO!

ROSALIA DE CASTRO

ESTE 23 DE FEBBREIRO DE 2024 CELEBRAMOS O ANIVERSARIO DE ROSALÍA DE CASTRO. UNHA ILUSTRE ESCRITORA GALEGA Á QUE LLE GUSTABA MOITO  GALICIA E A LINGUA GALEGA, POR ISO ESCRIBÍA SOBRE AS SÚAS XENTES E A NATUREZA.

 ESTE ANO TRABALLAMOS UN DOS SEUS POEMAS  ENTRE TODAS AS AULAS DO COLE. ÁS NENAS E NENOS DE 3 ANOS  ESCRIBIMOS O PRIMEIRO VERSO. TAMÉN DEBUXAMOS FLORES PARA DECORAR A  PÓLA NA QUE IRÍA O  VERSO DO POEMA. PODEDES VER O TRABALLO EN CONXUNTO NO ENREIXADO DO COLE NA PORTA DE FAMILIAS.

ESTE FOI O RESULTADO: 

TAMÉN  ESCOITAMOS ALGUNHA VERSIÓN DO CLÁSICO "ADEUS RÍOS, ADEUS FONTES..." EN LSE (LINGUA DE SIGNOS ESPAÑOLA)  E VIMOS UN DOS CAPÍTULOS DOS BOLECHAS DEDICADO A ROSALIA DE CASTRO.