FELICES FESTAS

QUEREMOS DESEXARVOS A TODAS FAMILIAS UNHAS FELICES FESTAS E PRÓSPERO ANO ANO 2026 COA FOTOGRAFÍA DA ÁRBORE DE NADAL QUE FIXEMOS CON TÓDOLOS AGASALLOS. OGALLA O CONTIDO SIMBÓLICO DESTAS CAIXAS CHEGUE A TODA A HUMANIDADE: PAZ, ALEGRÍA, UNIÓN, EMPATÍA, RESPECTO, SAÚDE, AMOR, TOLERANCIA, IGUALDADE...

FESTA DE NADAL

HOXE É O ÚLTIMO DÍA DE COLE DESTE PRIMEIRO TRIMESTRE.  ESTAMOS DE FESTA E TEMOS DIVERSAS ACTIVIDADES:

- CHOCOLATADA. XUNTÁMONOS AS DÚAS AULAS PARA TOMAR O CHOCOLATE E A ROSCA. OS MAIORES DO COLE FORON OS ENCARGADOS DE REPARTILO. ESTABA MOI  BOOO!

- PELÍCULA DE NADAL. NA OUTRA AULA ORGANIZAMOS UNHA SESIÓN DE CINEMA.

- VISITA DO APALPADOR, CANTOS DE NADAL E AGASALLO. CANDO ESTABAMOS COA PELÍCULA CHEGOU O APALPADOR  COAS NENAS E NENOS DO COMBO MUSICAL DO COLE QUE NOS TOCARON E CANTARON CANTOS DE NADAL.

- BADALADAS. DESPOIS DO RECREO UNHA NENA E UN NENO DE 6º DE EP TOCARON AS BADALADAS CON AXUDA DA PROFE LOLA E COMEMOS OS 12 PETICOS PARA DESPEDIR O 2025 E DAR A BENVIDA AO 2026.

FOI UNHA MAÑÁ MOI DIVERTIDA!

CANTOS DE NADAL

COMO XA VOS DIXEMOS NALGUNHA OCASIÓN, A TEMÁTICA VERTICAL DO CENTRO ESTE CURSO É A MÚSICA. 

POR ISO, ESTE NADAL IMOS REALIZAR UNHA ACTIVIDADE DE CANTOS INTERNIVEIS. NÓS CANTÁMOSLLE "XA ME TARTAN ESTES MAGOS" EN LSE AO ALUMNADO DE 6º DE EP E ELES CANTÁRONNOS "CANDO É NADAL" EN LSE. COMO ERAMOS MOITOS FOMOS Á BIBLIOTECA DO COLE. 

VISITAMOS A OFICINA DE CORREO

ONTE FOMOS DE VISITA Á OFICINA DE CORREOS QUE ESTÁ PRETO DO COLEXIO PARA ENVIAR AS NOSAS POSTAIS.

RECIBÍRONNOS NA PORTA E ACOMPAÑÁRONNOS PARA VISITAR AS INSTALACIÓNS.

ENSINÁRONNOS O LUGAR ONDE CLASIFICAN AS CARTAS PARA ENVIAR DESPOIS AOS ENDEREZOS.

SELÁRONNOS O NOSO PASAPORTE DE CARTEIROS.

PUIDEMOS VER UNHA FURGONETA E UNHA MOTO QUE EMPREGAN PARA FACER O REPARTO DAS CARTAS E PAQUETES.

TAMÉN PUIDEMOS MANEXAR OS CARRIÑOS E INCLUSO VIMOS OS BULTOS DOS NOVOS BUZÓNS QUE VAN REEMPRAZAR AOS VELLOS QUE HAI POLAS RÚAS.

BOTAMOS A NOSA CARTA NO BUZÓN!

E PARA REMATAR ... SORPRESA!    APARECEU UN ELFO EN MOTO!

COMO NON CHOVEU GOZAMOS TAMÉN DO PASEO ATA A OFICINA.

POSTAIS DE NADAL

ESTE ANO PARA A POSTAL DE NADAL IMOS IMITAR  INSPIRARNOS NA RECOÑECIDA PINTORA GALEGA LÚA GÁNDARA.  IMOS COÑECELA!

PROCESO DE ELABORACIÓN DA POSTAL DE NADAL:

1º PARA O FONDO IMOS EMPREGAR TÉMPERA DE DÚAS CORES E A REGLA PARA ESTIRAR.

2º DESPOIS IMOS ENGADIR TRES CÍRCULOS CON TÉMPERA DE DIFERENTES TAMAÑOS.

3º DEBUXAMOS  DIFERENTES GRAFISMOS PARA DECORAR.

4º ESCANEAMOS E IMPRIMIMOS EN  TAMAÑO DE MEDIO FOLIO.

5º PENSAMOS EN GRAN GRUPO POSIBLES MENSAXES PARA AS NOSAS FAMILIAS.

6º PEDIMOS ÁS FAMILIAS UN SOBRE CUN SELO E A DIRECCIÓN DAS NOSAS CASAS.

7º ESCRIBIMOS  UNHA MENSAXE DE NADAL NA POSTAL, METÉMOLA NO SOBRE E ESCRIBIMOS O NOSO NOME E OS NOSOS APELIDOS NO REMITE.

LISTAS PARA LEVAR Á OFICINA DE CORREOS!

DECORACIÓN DE NADAL

 XA SE ACHEGA O NADAL E IMOS DECORAR O CORREDOR E AS PORTAS DAS AULAS.

- DECORACIÓN PARA AS PORTAS DAS AULAS:  TRABALLAMOS DIFERENTES GRAFISMOS PARA DECORAR LETRAS DE NADAL E PARA  FACER UNHA ÁRBORE  CON ESTRELAS CON TODAS ELAS.

- DECORACIÓN DO CORREDOR: FIXEMOS BONECOS DE NEVE E A PAPÁ NOEL REPARTINDO AGASALLOS POLA CIDADE COMO TRABALLO INDIVIDUAL. EN EQUIPOS FIXEMOS ÁRBORES CON FORMA DE TRIÁNGULO E OS TRAZOS RECTOS PARA AS PÓLAS.

- AS PROFES FIXERON COA CORTADORA LÁSER, RECICLANDO CARTÓN, UNS COPOS DE NEVE QUE DECORAMOS COAS NOSAS FOTOS E CÍRCULOS PARA FACER LEVAR ÁS NOSAS CASAS E COLGAR NA ÁRBORE.

VOCABULARIO DE NADAL EN LSE

ACHÉGASE O NADAL E IMOS LEMBRAR O VOCABULARIO DESTA FESTA TAN ENTRAÑABLE EN LSE. 

CASTELÁN:

GALEGO:

PREPARANDO O NADAL

XA SE ACHEGA O NADAL! ESTAMOS A DECORAR A AULA E O CORREDOR.  PAPÁ NOEL ESCRÍBENOS CARTAS TODOS OS DÍAS DEIXÁNDONOS: XOGOS, ADIVIÑAS, CONTOS, ACTIVIDADES... 

ESTA É A PANXOLIÑA QUE ESTAMOS A PREPARAR PARA CANTAR ESTE NADAL AOS MAIORES DO COLE E TAMÉN ÁS NOSAS FAMILIAS. 

ANIMÁDEVOS A CANTALA TAMÉN!

OBRADOIRO DE FAMILIAS: COMEZAMOS A PREPARAR O NADAL

NESTE OBRADOIRO XA SE EMPEZA A RESPIRAR AIRES DE NADAL.

NESTA OCASIÓN SOL E MÓNICA, AS MAMÁS DE HELENA, MARTINA E LARA VIÑERON ATA O "COLE" PARA ELABORAR UNHA BÓLA DE NEVE.

PARA ESTA MANUALIDADE NECESITAMOS: UN VASO DE PLÁSTICO, UNHA PALLIÑA E BÓLAS DE PORESPÁN  E A NOSA FOTOGRAFÍA.

                 

PREVIAMENTE  AO OBRADOIRO FIXEMOS AS FOTOGRAFÍAS,  ESTIVEMOS PROBANDO ALGÚNS COMPLEMENTOS DE NADAL QUE TIÑAN AS "PROFES" E ESCOLLEMOS O QUE MÁIS NOS GUSTOU.

                                                     

AS MAMÁS AXUDÁRONNOS A ENCHER O VASO COAS BÓLIÑAS E PEGAR A TAPA. DESPOIS TOCOUNOS  A NÓS O MÁIS DIFÍCIL ... SOPRAR!

FOI MOI DIVERTIDO! 

GRAZAS AS DÚAS POR ESTA ACTIVIDADE!

CHOCOLATADA, VISITA DO APALPADOR E BADALADAS

REMATAMOS O TRIMESTRE COA TRADICIONAL CHOCOLATADA, A  VISITA DO APALPADOR E AS BADALADAS.

HAI UNS DÍAS RECIBIMOS UNHA CARTA DO APALPADOR NA QUE NOS CONTABA QUE ÍA VIR DE VISITA AO COLE O ÚLTIMO DÍA DO TRIMESTRE. TAMÉN NOS DEIXOU UNHA BÓLA  EN CADA AULA PARA ESCRIBIR UNHA PALABRA EN GALEGO, DECORALA E DESPOIS COLGALA NUNHA ÁRBORE DE NADAL. HOXE SUBIMOS A COLGALAS NA ÁRBORE.

TAMÉN CANTAMOS PANXOLIÑAS EN  LSE COA AXUDA DE IRIA.  DESPOIS DEGUSTAMOS UN RIQUÍSIMO CHOCOLATE CON ROSCA. ESTABA BOÍSIMOOOO!!!

RECIBIMOS A VISITA DO APALPADOR QUE BAIXOU DAS MONTAÑAS DO COUREL PARA VISITAR TÓDALAS AULAS DO NOSO COLE E TROUXONOS UNS XOGUETES DE AGASALLO. VEU ACOMPAÑADO DO COMBO MUSICAL CANTANDO E TOCANDO UNHA FERMOSA PANXOLIÑA.

REMATAMOS A XORNADA  TODAS E TODOS XUNTOS NO PATIO COAS 12 BADALADAS, PRESENTADAS POR ALUMNADO DE 6º DE EP E DOUS EXALUMNOS DO CENTRO.

DESEXÁMOSVOS UNHAS FELICES FESTAS A TODAS E A TODOS!!

OS CALCETÍNS DOS DESEXOS

PEDIMOS A COLABORACIÓN DAS FAMILIAS PARA DECORAR E ESCRIBIR UN DESEXO FAMILIAR PARA O PRÓXIMO ANO NOVO 2025 NUN "CALCETÍN". CON TODOS ELES DECORAMOS UN ESPAZO DA AULA: PAZ, AMOR, SAÚDE, FELICIDADE...

GRAZAS POLA VOSA COLABORACIÓN!

GRUPO A:                                                                       

GRUPO B:

MENSAXES DE NADAL E VISITA DO CARTEIRO

DESPOIS DE PINTAR AS TEAS FIXÉMOSLLES  FOTOGRAFÍAS PARA FACER AS POSTAIS. PENSAMOS ALGUNHAS MENSAXES PROPICIAS PARA ESTAS DATAS, ESCRIBIMOS E DECORAMOS CON MOITO ENTUSIASMO.

METÉMOLA POSTAL NUN SOBRE COA DIRECCIÓN DAS NOSAS CASAS, PEGAMOS O SELO E ESCRIBIMOS AS E OS REMITENTES.

DESPOIS RECIBIMOS A VISITA DUN CARTEIRO DA ZONA E FIXÉMOSLLE ALGUNHAS PREGUNTAS: EN QUE CONSISTÍA A SÚA PROFESIÓN, CANTOS DÍAS TARDAN EN CHEGAR AS CARTAS, QUE MEDIOS DE TRANSPORTE EMPREGAN, COMO É O SEU UNIFORME...

REMATAMOS ENTREGÁNDOLLE AS NOSAS CARTAS PARA QUE AS LEVEN AOS BUZÓNS DAS NOSAS CASAS PARA FELICITARLLE AS FESTAS ÁS NOSAS FAMILIAS.

POSTAIS DE NADAL

ESTE ANO COMO VOS ANUNCIAMOS ANTERIORMENTE IMITAMOS Á PINTORA GALEGA NURIA ARGIBAY.   A TÉCNICA QUE EMPREGAMOS FOI A DE  PINTURA SOBRE TEA. BOTAMOS A PINTURA SEN MOITO AQUEL, FIXEMOS UNHA BÓLA, DEIXÁMOLA SECAR,  INTERPRETAMOS AS MANCHAS  E DESCUBRIMOS OS DEBUXOS QUE ALÍ SE AGOCHABAN: ÁRBORES DE NADAL, PAPÁ NOEIS, RENOS, AGASALLOS, TRASNOS, TRINEOS, ESTRELAS, BÓLAS...

ESTE FOI O RESULTADO:

PANXOLIÑA DE NADAL

ESTAMOS PREPARANDO UN VÍDEO PARA ENVIAR ÁS FAMILIAS COMO AGASALLO DE NADAL. VAI SER UNHA PANXOLIÑA MOI  COÑECIDA  QUE IMOS CANTAR EN LSE GRAZAS A IRIA. IMOS EMPREGAR A TÉCNICA CINEMATOGRÁFICA DO CHROMA PARA QUE PAREZA QUE ESTAMOS CANTANDO SOBRE A FRÍA NEVE. AQUÍ VOS DEIXAMOS UN ANTICIPO!

VOCABULARIO E PANXOLIÑAS DE NADAL EN LSE

ESTES DÍAS LEMBRAMOS O VOCABULARIO QUE APRENDEMOS O CURSO PASADO EN LSE SOBRE O NADAL. COMPARTÍMOLO CON VÓS POR SI PRECISADES RECORDALO!

TAMÉN COMEZAMOS A CANTAR PANXOLIÑAS!!! COMPARTIMOS ALGUNHAS DAS QUE MÁIS NOS GUSTAN!! ANIMÁDEVOS A CANTAR!!

XA SE ACHEGA O NADAL!

COMEZOU O MES DE DECEMBRO, O MES DO NADAL. UNHA DAS TRADICIÓNS DESTAS FESTAS É ENVIAR AS PERSOAS MÁIS QUERIDAS UNHA FELICITACIÓN.

ESTE ANO IMOS  INSPIRARNOS PARA A SÚA ELABORACIÓN NA  PINTORA GALEGA  NURIA ARGIBAY, CONCRETAMENTE NA TÉCNICA DA  PINTURA ABSTRACTA SOBRE TEA.

NURIA ARBIBAY  NACEU EN PONTEVEDRA O 21 DE FEBREIRO DE 1994.  DE PEQUENA ESTUDOU NO NOSO COLEXIO. GRADUOUSE NA ESCOLA DE IMAXE E SON DE VIGO,  FIXO FOTOGRAFÍA E ARTE EN MADRID E UN MÁSTER EN VALENCIA. 

REALIZOU EXPOSICIÓNS DAS SÚAS OBRAS EN MADRID, MIAMI E ÁMSTERDAM. NO 2025 LEVARÁ A SÚA EXPOSICIÓN A PARÍS E A BERLÍN.

NAS SÚAS CREACIÓNS DESTACAN A DIVERSIDADE DE TEXTURAS E CORES EMPREGADAS. IMOS COMEZAR A CREAR AS NOSAS  EMPREGANDO COMO SOPORTE UNHA TEA E PINTURA DAS TRES CORES PRIMARIAS: VERMELLO, AZUL E AMARELO.

XA VOS CONTAREMOS COMO FOI O PROCESO CREATIVO!!

Á VOLTA DE NADAL ... SORPRESA!

 A VOLTA DE NADAL ESTIVO MARCADA POR 2 ACONTECIMENTOS NA AULA.

O PRIMEIRO DELES FOI A DESPEDIDA DE ANTIÍÑO, A MASCOTA DO OUTONO.

CANDO REMATA O OUTONO, ANTIÍÑO TEN QUE VOLVER CÓ SEU PAI ANTÍO AO SOUTO, TEN QUE VOLVER AO SEU "COLE", VER AOS SEUS AMIGOS, ...

FIXÉMOSLLE UNHA DESPEDIDA MOI CHULA!

QUEDÁMONOS UN POUCO TRISTE, PERO LAMPI, A MASCOTA DA BIBLIOTECA MANDOUNOS UNHA CARTA ONDE SE COMPROMETE A IR A MASCOTILANDIA PARA VER SE HAI ALGUNHA MASCOTA LIBRE QUE BUSQUE PASAR TEMPO NO "COLE" CONNOSCO.

XA VOS IREMOS CONTANDO.

O SEGUNDO ACONTECEMENTO FOI QUE AO VOLVER Á CLASE, APARECERON ... UNHA MOREA DE AGASALLOS!

CONTOS, XOGUETES DE CONSTRUCIÓN, CREBACABEZAS, ... PARA QUE POIDAMOS XOGAR AS NENAS E OS NENOS XUNTOS!

FELICES FESTAS

ESTAS ÁRBORES SON O RESULTADO DUN TRABALLO COLABORATIVO DAS FAMILIAS DE 3 ANOS A E B.

AS MESTRAS E AS NENAS E NENOS DE 3 ANOS DESEXÁMOSVOS UNHAS FELICES FESTAS E QUE DISFRUTEDES DA FAMILIA ESTES DÍAS!!!

VISÍTANOS PAPÁ NOEL

ONTE TIVEMOS UNHA SORPRESA, VEU VISITARNOS ... PAPÁ NOEL!!

XUNTÁMONOS TODAS AS NENAS E NENOS DO CICLO DE INFANTIL NO PAVILLÓN E ALÍ APARECEU PAPÁ NOEL MÁIS AS SÚAS ELFAS E ELFOS.

  

CANDO ESTABAMOS MÁIS TRANQUILOS COIDANDO DO SACO DOS AGASALLOS, APARECEU O GRINCH PARA FACER DAS SÚAS.

MENOS MAL QUE AO FINAL, PEDÍULLE PERDÓN A PAPÁ NOEL!

                          

TARXETA DE NADAL CUBISTA

 ESTAMOS A REALIZAR UNHA TARXETA PARA FELICITAR O NADAL.

ESTE ANO A TEMÁTICA DA TARXETA ESTÁ BASEADA NA OBRA DO PINTOR PABLO PICASSO.

PERO ANTES DE COMEZAR, É PRECISO COÑECER UN POUCO A ESTE PINTOR:

                     

A NOSA TARXETA VAI SER UN RETRATO CUBISTA.

NA AULA PRATICAMOS CÓS RETRATOS NA PANTALLA ...

... TAMÉN ELABORAMOS POR EQUIPOS UN RETRATO, ENGADINDO AS DIFERENTES PARTES DA CARA.

AGORA QUE XA SOMOS "EXPERTAS" E "EXPERTOS" EN RETRATOS CUBISTAS, PODEMOS COMEZAR A ELABORAR A NOSA TARXETA DE NADAL.

O RESULTADO XA O VEREDES CANDO LEVEMOS OS TRABALLOS PARA CASA.

AQUÍ VOS DEIXAMOS UN RETRATO PARA CREAR UN NOVO PICASSO!!! ANÍMATE A XOGAR!!