FESTA DA AUGA PARA REMATAR!

XA CHEGOU O DERRADEIRO DÍA EN INFANTIL!

DESPOIS DE COLOCAR OS TRABALLOS NAS CARPETAS E DE RECIBIR O DIPLOMA QUE ACREDITA QUE EN SETEMBRO IMOS A PRIMARIA, TOMAMOS A MERENDA CON ZUME DE LARANXA OU LIMÓN NATURAIS QUE FIXEMOS PREVIAMENTE.

DESPOIS DO RECREO COMEZAN OS XOGOS DE AUGA E ESTAMOS MOI EMOCIONADOS!

ESTE ANO A MOLLADURA NON NOS VEU NADA MAL PORQUE FIXO MOITA CALOR!

DESPEDÍMONOS DAS COMPAÑEIRAS E DOS COMPAÑEIROS E TAMÉN DAS "PROFES".

AÍNDA QUE NON ESTARÁN CONNOSCO EN SETEMBRO, VERÉMOLAS POLO COLEXIO.

                     

PASADE UN BO VERÁN!

VÉMONOS Á VOLTA POLO "COLE"!

VISITA AOS BOMBEIROS

HOXE FOMOS DE EXCURSIÓN AO PARQUE DE BOMBEIROS DE PONTEVEDRA. TIÑAMOS MOITAS GANAS DE QUE CHEGARA ESTE DÍA!

PRIMEIRO EXPLICÁRONNOS EN QUE CONSISTE O SEU TRABALLO, CAL É O NÚMERO DAS EMERXENCIAS "112" E O DOS BOMBEIROS "080". ENSINÁRONOS AS VESTIMENTAS QUE EMPREGAN SEGUNDO A OCASIÓN: INCENDIO, RESCATE, ACCIDENTES, EXTRACCIÓN DE VELUTINAS...

DESPOIS SUBIMOS AO CAMIÓN DE BOMBEIROS, SENTAMOS, PUXEMOS A SEREA E VIMOS COMO FUNCIONA UNHA CÁMARA TÉRMICA PARA LOCALIZAR PERSOAS OU ANIMAIS NUN INCENDIO.

LOGO DEIXÁRONOS AS SÚAS MANGUEIRAS E XOGAMOS COS DIFERENTES CHORROS.

ALGO MOLLADOS XA, SACAMOS A ROUPA E PREPARÁMONOS PARA O GRAN MOMENTO: "BAÑO DE ESCUMA". FIXEMOS TRES BAÑOS DE ESCUMA, FOI MOI DIVERTIDO!

DESPOIS DE CAMBIARNOS EXPLICÁRONNOS COMO SE REALIZA UN RESCATE A UN GATO OU ANIMAL QUE ESTÁ NO ALTO. NESTA OCASIÓN O BOMBEIRO RESCATOU AO MONO BOTAS.

PARA REMATAR AGASALLÁRONNOS CUNHA GORRA E UNHA BOLSA TÉRMICA.

QUEDAMOS CON GANAS DE MÁIS! FOI MOI DIVERTIDO!

VISITA Á HORTA DE TI E TA

ESTA SEMANA AS DÚAS CLASES, A E B ESTIVERON DE VISITA NA HORTA DE TI E TA CONVIDADOS POLO ALUMNADO MAIOR DE 3º, 4º, 5º E 6º DE EP QUE PARTICIPAN NOS COIDADOS DO HORTO.

DÉRONNOS A BENVIDA E EXPLICÁRONOS QUE NESTE HORTO HAI DIFERENTES TIPOS DE HORTALIZAS NOS BANCAIS: HORTALIZAS DE FOLLA COMO A LEITUGA OU A ACELGA; HORTALIZAS DE FROITO COMA O TOMATE OU O PEMENTO; BULBOS COMO A CEBOLA  OU OS PORROS; VAÍÑAS COMO A XUDÍA OU O CHICHARO E TUBÉRCULOS COMO AS PATACAS. TAMÉN NOS ENSINARON UN BANCAL DE PLANTAS AROMÁTICAS, ALGÚNS AMORODOS,  ALGUNHAS PLANTAS ORNAMENTAIS E UN PEBIDEIRO CON MOITAS LEITUGAS.

DESPOIS EN PEQUENOS GRUPOS ROTAMOS POR SEIS ESTACIÓNS NAS QUE REALIZAMOS DIFERENTES ACTIVIDADES DIRIXIDAS POLO ALUMNADO DE PRIMARIA: VIMOS QUE SE BOTA NO COMPOSTEIRO E QUEN VIVE NEL; REGAMOS AS PLANTAS DOS BANCAIS; METEMOS A MAN DENTRO DUNHA CAIXA E POLO TACTO TIÑAMOS QUE DIFERENZAR HORTALIZAS; PAÑAMOS PATACAS; DIFERENZAMOS POLO OLFACTO AS PLANTAS AROMÁTICAS E PLANTAMOS UNHA PEQUENA MACETA CON SEMENTES DE LENTELLAS PARA LEVAR Á CASA. 

AO REMATAR A VISITA AGASALLÁRONNOS ADEMAIS DE COA MACETA, UNHA PATACA E UN FOLLETO CON XOGOS PARA FACER NA CASA. 

OBRADOIRO DE FAMILIAS: GODSWILL

O DERRADEIRO OBRADOIRO DE FAMILIAS FOI A CARGO DA NAI DE GODSWILL.

ELA  E A SÚA FAMILIA SON DE NIXERIA E VEU CONTARNOS COUSAS DA SÚA TERRA. GODSWILL E DÉBORA VESTÍRONSE COS TRAXES TÍPICOS QUE EMPREGAN PARA IR ÁS VODAS E CELEBRACIÓNS.

DÉBORA TAMÉN NOS EXPLICOU 4  COMIDAS HABITUAIS QUE FAN NA SÚA TERRA, TRES DELAS CON BASE DE ARROZ. GÚSTALLES MOITO O PICANTE NAS COMIDAS!

ENSINOUNOS A CONTAR NA SÚA LÍNGUA ATA O 10, QUE POR CERTO, FÍXONOS MOITA GRAZA! E TAMÉN AS PARTES DO CORPO!

TROUXO UN BEBÉ DE XOGUETE PARA EXPLICARNOS COMO LEVAN AS MAMÁS AOS BEBÉS DURANTE OS PRIMEIROS MESES DE VIDA, POIS NON OS LEVAN EN CARRIÑOS DE RODAS! LÉVANOS NAS COSTAS ATADOS CUN PANO! DESE XEITO PODEN REALIZAR CALQUERA TAREFA DOMÉSTICA E INCLUSO IR EN MOTO! PARECEUNOS SORPRENDENTE! COMENTOUNOS QUE  ALÍ VESE COMO ALGO NORMAL E É UN XOGO QUE REALIZAN DESDE NENAS E NENOS. DESPOIS ESTIVEMOS PRACTICANDO COMO FACELO!

PARA REMATAR ENSINOUNOS UN XOGO TRADICIONAL DE RODA QUE FAN AS NENAS E NENOS NIXERIANOS E NIXERIANAS NAS RÚAS POLAS TARDES E POLA NOITE ANTES DE ACOSTARSE. AS CASAS DE ALÍ SON NORMALMENTE DE DÚAS ALTURAS E MÁXIMO TRES, TEÑEN UN PEQUENO HORTO, ESTÁN ORGANIZADAS A UN LADO E AO OUTRO E AS NENAS E NENOS SAEN A XOGAR XUNTOS AO CAER O SOL.

DÉBORA, MOITAS GRAZAS POR COMPARTIR O TEU TEMPO CONNOSCO!

OBRADOIRO DE FAMILIAS: XABIER

O VENRES, NOVO OBRADOIRO DE FAMILIAS,  VEU VISITARNOS DANIELA, A NAI DE XABIER. 

ELA É MATRONA, AXUDA ÁS MAMÁS DURANTE O EMBARAZO E TAMÉN NO MOMENTO DO NACEMENTO DO BEBÉ.

CON ELA FIXEMOS UN XOGO ONDE TIÑAMOS QUE DECIDIR QUE COUSAS SON BOAS PARA AS NAIS CANDO ESTÁN EMBARAZADAS E QUE COUSAS SON MALAS.

DESPOIS CONTOUNOS O CONTO "O EMBIGO DE XANECAS" ONDE DESCUBRIMOS O POR QUE DO NOSO EMBIGO.

TROUXO UN APARELLO CO QUE SE PODÍA ESCOITAR O LATEXO DO CORAZÓN E PUIDEMOS COMPROBAR QUE O CORAZÓN DE XABIER LATEXA MOITO MÁIS RÁPIDO QUE  O DE DANIELA. CONCLUIMOS QUE O CORAZÓN DOS ADULTOS TATEXA MOITO MÁIS LENTO QUE O DAS NENAS E NENOS OU O DOS BEBÉS.

TAMÉN NOS CONTOU UN CONTO SOBRE O QUE OCORRE DURANTE O EMBARAZO E O NACEMENTO TITULADO "NACE UN BEBÉ".  

DESCUBRIMOS A BOLSA DA PLACENTA, QUE OS BEBÉS RESPIRAN E SE ALIMENTAN A TRAVÉS DO CORDÓN UMBILICAL, QUE MEDRAN RODEADOS DE LÍQUIDO AMNIÓTICO, QUE ESTÁN CUBERTOS DUNHA CAPA BRANCA QUE FAI QUE NON SE ENGURREN NO LÍQUIDO, QUE XOGAN DENTRO DA BARRIGA COS DEDOS E COS PÉS...

REMATAMOS DISFRUTANDO COAS COUSAS QUE  TROUXO: UN BEBÉ, UNHA PLACENTA CUN CORDÓN UMBILICAL, UN FONENDOSCOPIO PARA EMBARAZADAS...

FOI UN OBRADOIRO MOI INTERESANTE NO QUE APRENDEMOS ALGUNHAS CURIOSIDADES SOBRE OS BEBÉS.

MOITAS GRAZAS POLA VISITA DANIELA!

OBRADOIRO MUSICAL CON SUSA HERRERA

HOXE TIVEMOS UN OBRADOIRO MUSICAL CON SUSA HERRERA ONDE NOS PRESENTOU O SEU NOVO LIBRO MUSICAL "LA MOTO DE RUFINO" ADEMAIS DE AGASALLARNOS CON OUTRAS CANCIÓNS.

NESTE OBRADOIRO, ADEMAIS DE CANTAR, TIVEMOS QUE PARTICIPAR XUNTO A ELA FACENDO SONS CON PERCUSIÓN CORPORAL, ONOMATOPEAS, ...

ATA AS "PROFES" SAÍRON A CANTAR E BAILAR CON ELA!

      

CELEBRACIÓN DAS LETRAS GALEGAS

ESTE XOVES FIXEMOS O CERTAME DE POESÍA. TODO O ALUMNADO DE INFANTIL SUBIU AO ESCENARIO PARA RECITAR O  POEMA DA SÚA AULA.AGASALLARON A NOSA PARTICIPACIÓN CUN DIPLOMA, UN LIBRO PARA A AULA E UNHA MEDALLA.

O VENRES, CONCERTO COA "A GRAMOLA GOMINOLA" CANTAMOS E BAILAMOS EN GALEGO CON ESTA BANDA DE ROCK&ROLL ALGUNHAS DAS SÚAS CANTIGAS MÁIS COÑECIDAS QUE TRABALLAMOS PREVIAMENTE COA PROFE LOLA: HE HO LET´S GO, A PITA RECORDS, CAMPIÓN INTERNACIONAL...

O GALEGO MOLA!