8 MARZO: DÍA DA MULLER

 

HOXE COÑECEMOS A ...

HEDY LAMARR

CONTINUAMOS COÑECENDO A MULLERES IMPORTANTES RELACIONADAS CÓ MUNDO DO CINE. ESTA VEZ A NOSA PROTAGONISTA É HEDY LAMARR. 

ESTA MULLER FOI UNHA ACTRIZ RECOÑECIDA A NIVEL MUNDIAL PERO TAMÉN DESTACOU POLOS SEUS INVENTOS, XA QUE CURSOU ESTUDOS DE ENXEÑERÍA.

FOI A PRECURSORA DO BLUETOOTH E DO WIFI TAL E COMO OS COÑECEMOS HOXE AÍNDA QUE OS INICIOS DESTES INVENTOS SERVIRON PARA PODER AXUDAR AOS ALIADOS NA SEGUNDA GUERRA MUNDIAL.

OUTRA MULLER DA QUE TEMOS MOITO QUE APRENDER.

Hedy Lamarr

8 DE MARZO: DÍA DA MULLER.

HOXE COÑECEMOS A ...

ALICE GUY

O 8 DE MARZO CELEBRAMOS O DÍA DA MULLER, E COMO ESTAMOS A TRABALLAR SOBRE O CINE, NADA MELLOR QUE CELEBRALO LEMBRANDO A UNHA DAS MULLERES MÁIS IMPORTANTES DO MUNDO DO CINE: ALICE GUY. 

 

 

UNHA MULLER QUE TRABALLOU EN PRATICAMENTE TODOS OS ASPECTOS DO MUNDO DO CINE... 

• FOI DIRECTORA (A PRIMEIRA EN CREAR E CONTAR UNHA HISTORIA MENTRES QUE OS IRMÁNS LUMIERE RODABAN ESCENAS COTIÁS),
• ACTRIZ.
• PRODUTORA.
• PIONERA EN EMPREGAR EFECTOS ESPECIAIS NAS PELÍCULAS.
• A PRIMEIRA EN COMEZAR A COLOREAR AS PELÍCULAS DE BRANCO E NEGRO. 
• EMPRESARIA (FUNDOU A SÚA PROPIA PRODUTORA: COMPAÑÍA SOLAX), ... 

UNHA MULLER QUE NON DEBEMOS ESQUECER!

O ENTROIDO

AO LONGO DO MES DE FEBREIRO ESTIVEMOS TRABALLANDO ARREO!

COMO XA VOS ANUNCIAMOS A TEMÁTICA DO ENTROIDO ESTE ANO VAI SER O CINE E  IMOS REPRESENTAR  PARA O DESFILE A PELÍCULA  "DEL REVÉS 2". TIVEMOS QUE FACER REPARTO DE PAPEIS E PREPARAR OS COMPLEMENTOS NO COLE.

POR OUTRA BANDA, COLABORAMOS NA ELABORACIÓN DO GALO VILAVERDIÑO FACÉNDOLLE PLUMAS E ENCHÉNDOLLE O BANDULLO CON BÓLAS DE PAPEL.

A ELABORACIÓN DOS COMPLEMENTOS PARA OS DISFRACES LEVOUNOS BASTANTE TEMPO PORQUE HABÍA QUE PINTALOS ANTES DE DECORALOS. 

HOUBO UN GRAN REPARTO DE PAPEIS: DÚAS CARTELEIRAS, UNHA DIRECTORA E UN DIRECTOR, DOUS CÁMARAS, DOUS TÉCNICOS DE SON, DOUS TÉCNICOS DE ILUMINACIÓN, SEIS ACTRICES E DOUS ACTORES, DOUS PEITEADORES , DOUS MAQUILLADORES, DOUS PREMIADOS NOS ÓSCAR E NOS FEROZ. 

TAMÉN FIXEMOS UN COCHE ANTIGO PARA ACOMPAÑAR AOS PREMIADOS.

O DESFILE SAIU PERFECTO!

REMATAMOS A FESTA COA QUEIMA DO GALO VILAVERDIÑO!!

MOITAS GRAZAS ÁS FAMILIAS POLA VOSA  COLABORACIÓN!

DÍA DO IMPLANTE COCLEAR

O 25 DE FEBREIRO CELÉBRASE O DÍA INTERNACIONAL DO IMPLANTE COCLEAR. 

É UN DISPOSITIVO ELECTRÓNICO QUE PERMITE ESCOITAR AS PERSOAS CON XORDEIRA PROFUNDA CUNHA AXEITADA REHABILITACIÓN AUDITIVA. 

NESTE DÍA REALIZOUSE A PRIMEIRA IMPLANTACIÓN EN 1957 POR DOUS DOUTORES FRANCESES: DJOURNO E EYRÈS.

DEIXÁMOSVOS UN CONTIÑO SOBRE OS IMPLANTES COCLEARES!

DÍA DE ROSALÍA DE CASTRO

 O 24 DE FEBREIRO CELEBRAMOS O DÍA DE ROSALÍA DE CASTRO. 

ESTA RECOÑECIDA ESCRITORA GALEGA REFLICTE NOS SEUS VERSOS  A FERMOSURA DE GALICIA E DA SÚA XENTE. AS NENAS E NENOS DE 3, 4 E 5 ANOS TRABALLAMOS O COÑECIDO POEMA DE:  

"ADEUS RÍOS, ADEUS FONTES,

ADEUS REGATOS PEQUENOS,

ADEUS VISTA DOS MEUS OLLOS,

NON SEI CANDO NOS VEREMOS.

MIÑA TERRA, MIÑA TERRA,

TERRA ONDE MEU CRIEI, 

HORTIÑA QUE QUERO TANTO,

FIGUEIRIÑAS QUE PLANTEI.

..."

COA AXUDA DAS NOSAS FAMILIAS FIXEMOS FOTOGRAFÍAS DE ELEMENTOS DA CONTORNA QUE SE NOMEAN NESTE POEMA: RÍOS, FONTES, REGATOS, HORTAS, FIGUEIRAS, PRADOS, PINARES, PAXARIÑOS, CAMIÑOS, CAMPÁS, IGREXAS... CON TODAS ELAS FIXEMOS UNHA EXPOSICIÓN NA BIBLIOTECA DO COLEXIO.

SE VOS ANIMADES PODEDES PASAR A VISITALA POLAS TARDES! E XA DE PASO LER ALGÚN LIBRO!

ACHÉGASE O ENTROIDO!

ESTE ANO A TEMÁTICA DO ENTROIDO VAI SER O CINE. 

VILAVERDIÑO, A MASCOTA DO ENTROIDO,  XA ANDA POLO COLE, PIDE QUE AS NENAS E NENOS LLE LEVEN PLUMAS DE CORES ANTES DO GRAN DÍA DA FESTA.

DE QUE SE DISFRAZARÁ ESTE ANO? ACTOR, DIRECTOR, FIGURANTE, GUIONISTA, CÁMARA...

HAI QUE PREPARAR OS DISFRACES!!! DE QUE NOS IMOS DISFRAZAR PARA O DESFILE? IMOS REPRESENTAR A PRODUCIÓN DA PELÍCULA "DEL REVÉS2".

AQUÍ DEIXAMOS ALGÚN VOCABULARIO DE ENTROIDO EN LSE:

SESIÓN DE CINE: DEL REVÉS 2

CHEGOU O GRAN DÍA, HOXE IMOS IR AO "CINE GRACIA" PARA VER A PELÍCULA "DEL REVÉS 2".

PERO ANTES TIVEMOS QUE FACER ALGUNHAS COUSAS:

- NUMERAR AS BUTACAS:

- FACER AS "PALOMITAS":

- MERCAR AS ENTRADAS:

- MERCAR AS "PALOMITAS":

- BUSCAR A BUTACA INDICADA COA AXUDA DOS ACOMODADORES:

... APAGAR AS LUCES E DISFRUTAR DA PELÍCULA!