VISITA DA POLICÍA NACIONAL

HOXE, VOLVERON VISITARNOS MÍRIAM E OLALLA, DÚAS  MULLERES DO CORPO DA POLICÍA NACIONAL PARA CONTARNOS EN QUE CONSISTE O TRABALLO DA POLICÍA NACIONAL.

LEMBRAMOS  MOITAS DAS COUSAS QUE NOS CONTARON O CURSO PASADO, ENTRE AS MÁIS DESTACADAS QUE:                                 

• A POLICÍA ESTÁ PARA AXUDARNOS.
• UTILIZAN DIVERSOS  VEHÍCULOS NO SEU TRABALLO: COCHE, MOTO, CABALO, HELICÓPTERO...
• AS CORES DO SEMÁFORO: VERMELLO, AMARELO E VERDE.
• VAN VESTIDOS CON UNIFORMES.
• EN CASO DE EMERXENCIA HAI QUE CHAMAR  Ó NÚMERO 112.

AQUÍ VOS DEIXAMOS UN VÍDEO DO "BEBÉ JUAN" ONDE NOS CONTA TODO O QUE REPASAMOS CON ELAS.

                       

MOITAS GRAZAS POLA VOSA VISITA!

OBRADOIRO DE FAMILIAS: SAN JORDI

 

ESTA SEMANA, O OBRADOIRO DE FAMILIAS ESTIVO RELACIONADO COA CELEBRACIÓN DO DÍA DO LIBRO.

NESTE CASO, A NAI DE MARTÍN E VALERIA VEU AO "COLE" A CONTARNOS A HISTORIA DE SAN JORDI, UN VALENTE CABALEIRO QUE ÍA POLO MUNDO AXUDANDO ÁS PERSOAS NECESITADAS.

SEGUNDO A LENDA, SALVOU A UNHA PRINCESA DE MORRER DEVORADA POLO DRAGÓN.

DO SANGUE DO DRAGÓN BROTOU UN ROSAL DE ROSAS VERMELLAS.

DE AHÍ VÉN A TRADICIÓN EN CATALUÑA DE AGASALLAR CUNHA ROSA OU UN LIBRO O DÍA 23 DE ABRIL.

E DESPOIS DE ESCOITAR O CONTO DE SAN JORDI, FIXEMOS O NOSO PROPIO DRAGÓN.

FOI MOI DIVERTIDO, GRAZAS!!

CELEBRACIÓN DO DÍA DO LIBRO

  A SEMANA DO 22 AO 25 DE ABRIL CELEBRAMOS O DÍA DO LIBRO. 

NAS AULAS REALIZAMOS DIVERSAS ACTIVIDADES RELACIONADAS COS LIBROS. DESCUBRIMOS:

-  ONDE  OS PODEMOS ATOPAR: BIBLIOTECA, LIBRARÍA, FEIRAS, ÁREAS COMERCIAIS...

-  AS SÚAS PARTES: TAPA, LOMBO, CONTRAPORTADA, PÁXINAS

- TIPOS DE LIBROS. CON ELES PODEMOS VIAXAR, IMAXINAR, APRENDER, COÑECER...

- AS ESCRITORAS E OS ESCRITORES.

- O TRABALLO NA EDITORIAL.

- POR QUE O 23 DE ABRIL SE CELEBRA O DÍA DO LIBRO.

- ...

LAMPI  CONVIDOUNOS A VISITAR A BIBLIOTECA PARA FACER ALGUNHA LECTURA DO CLÁSICO "DON QUIXOTE DA MANCHA".

OUTRA ACTIVIDADE QUE REALIZAMOS E NOS GUSTA MOITO SON OS APADRIÑAMENTOS E AMADRIÑAMENTOS LECTORES. OS MAIORES DE 4º DE EP PREPARARON UN CONTIÑO E CONTÁRONNOLO AOS MÁIS PEQUENOS. 

SE QUERES AVENTURAS, LÁNZATE COA LECTURA!!!

OBRADOIRO DE FAMILIAS: PLASTILINA CASEIRA

O VENRES VEU ELENA, A TÍA DE JULIA, PARA FACER UN OBRADOIRO DE PLASTILINA CASEIRA.

PARA FACELA NECESITAMOS: FARIÑA, ACONDICIONADOR DE PELO, ACEITE, COLORANTE ALIMENTARIO E ... MOITA FORZA NAS MANS PARA AMASAR!

CUSTOUNOS UN POUCO LIGAR A MASA PORQUE AO MESMO TEMPO DE AMASAR TIÑAMOS QUE APRETAR FORTE COS DEDOS. 

AO FINAL CONSEGUIMOS FACER UNHAS BÓLAS DE CORES.

PASÁMOLO MOI BEN!

GRACIÑAS ELENA!

7 ABRIL: DÍA DA SAÚDE

HOXE CELEBRAMOS O DÍA DA SAÚDE CON DIVERSAS ACTIVIDADES.

 - A ANPA DO CENTRO COLABOROU PARA REALIZAR UNHA CARREIRA SOLIDARIA "UNOCENTRECIENMIL", CORRENDO POLOS QUE NON PODEN CORRER, A META É CONSEGUIR A CURA DA LEUCEMIA INFANTIL. GRAZAS A COLABORACIÓN DAS FAMILIAS RECAUDAMOS FONDOS PARA IMPULSAR OS PROXECTOS DE INVESTIGACIÓN CONTRA A LEUCEMIA INFANTIL.

- NAS AULAS FIXEMOS UNHA MERENDA CREATIVA A BASE DE FROITAS E DESPOIS COMÉMOLA PARA RECARGAR ENERXÍA:

- NO XIMNASIO SESIÓN DE BAILE. BAILAMOS COA PROFE LOLA SEGUINDO ALGUNHAS COREOGRAFÍAS.

UNHA BOA SAÚDE IMPLICA UNHA ALIMENTACIÓN SÁ, REALIZAR EXERCIZO FÍSICO E DESCANSAR IMPRESCINDIBLES PARA SENTIRSE BEN E DESENVOLVER AS ACTIVIDADES DIARIAS  DE FORMA EFICAZ.  

PASEO DA FAMA E ALFOMBRA VERMELLA

ESTES DÍAS CONVERTEMOS A PAREDE DO NOSO CORREDOR NO PASEO DA FAMA.NÓS TAMÉN SOMOS ESTRELAS POIS ESTAMOS APRENDENDO E TRABALLANDO MOITO NESTE PROXECTO DO CINEMA. 

 NA REALIDADE, DESCUBRIMOS QUE  O PASEO DA FAMA É UNHA BEIRARRÚA DE HOLLYWOOD EN CALIFORNIA, ESTADOS UNIDOS. NELA HAI MÁIS DE 2.000 ESTRELAS CO NOME DE PERSOAS IMPORTANTES NA INDUSTRIA DO CINE, DA TELEVISIÓN, DO TEATRO, DA MÚSICA E DA RADIO.

PARA ESTE TRABALLO EMPREGAMOS AS FOTOGRAFÍAS CO NOSO SIGNO, ESCRIBIMOS O NOSO NOME NO ORDENADOR CO PROCESADOR DE TEXTOS E ESTAMPAMOS A NOSA MAN. 

GRAZAS Á COLABORACIÓN DAS FAMILIAS PUIDEMOS REALIZAR A ALFOMBRA VERMELLA DO VILAVERDE. 

DESCUBRIMOS QUE A ALFOMBRA VERMELLA ÚSASE EN EVENTOS E GALAS DO CINE COMA OS ÓSCAR, OS FEROZ OU OS GOYA. 

NESTA PRIMEIRA EDICIÓN DESTACA O ELEGANTE VESTIARIO DAS E DOS ASISTENTES AO EVENTO COMO SE PODE OBSERVAR NA FOTOGRAFÍA.  VESTIARIO REALIZADO ENTRE O ALUMNADO E AS SÚAS FAMILIAS EXPERIMENTANDO CON DIFERENTES MATERIAIS NA CASA.

CONCURSO CANTANDO COAS MANS

A FAXPG  XA PUBLICOU OS VÍDEOS QUE PARTICIPAN ESTE ANO NO VIII CONCURSO "CANTANDO COAS MANS". NÓS PARTICIPAMOS INTERPRETANDO A CANTIGA "RECOÑECÉNDOME" DE GUADI GALEGO.  

TEMOS QUE AGRADECER ESTE FERMOSO TRABALLO NO QUE PARTICIPA TODO O  ALUMNADO, PROFESORADO E PERSOAL NON DOCENTE Á NOSA INTÉRPRETE DE LSE IRIA. TAMÉN AGRADECEMOS A GUADI GALEGO A SÚA PARTICIPACIÓN NO VÍDEO.

BOTÁDELLE UN OLLO!

NON VOS ESQUEZADES DE VOTAR ATA O DÍA 3 DE ABRIL!!