DÁMOSLLE A VOLTA AO CONTO

HOXE RECIBIMOS NO COLE  Á  NARRADORA RAQUEL QUEIZÁS.  VEU PARA CONTARNOS CON MONICREQUES AS “HISTORIAS DUNHA AVOA E A SÚA NETA”, AMOSANDO UNHA IMAXE VALENTE E REVOLUCIONARIA DAS MULLERES DENDE MOI PEQUENAS. 

TAMÉN, REPRESENTOU CON ALGÚN VESTIARIO O CONTO DE “CINCENTO” E “O HOME DO SACO” DÁNDOLLE A VOLTA AOS CONTOS TRADICIONAIS. NELES ATOPAMOS UN NENO MOI SENSIBLE E UNHA NENA MOI VALENTE, ROMPENDO COS ROLES E ESTEREOTIPOS TRADICIONAIS ASIGNADOS A CADA XÉNERO, PROMOVENDO A IGUALDADE.

TODAS E TODOS SOMOS IGUAIS!

SAÍDA AO TEATRO

HOXE FOMOS DE EXCURSIÓN ATA O EDIFICIO DE AFUNDACIÓN PARA DESFRUTAR DA OBRA DE TEATRO "É ENTÓN UN XARDÍN".  HABÍA MARIONETAS DE ANIMAIS MOI SIMPÁTICOS QUE NOS FACÍAN RIR: UN MANDRIL, UNS FLAMENGOS, UN OURIZO, UN RINOCERONTE...

TRÁTASE DUNHA COMEDIA MUSICAL E  TEATRAL A TRAVÉS DA QUE SE REIVINDICAN VALORES  PRESENTES NO MUNDO NATURAL: A EMPATÍA, A RESPONSABILIDADE E O RESPECTO. 

OBRADOIRO DE FAMILIAS: LAVAMOS AS MANS E OS DENTES!

ESTE VENRES TIVEMOS UN NOVO OBRADOIRO DE FAMILIAS, ESTA VEZ RELACIONADO COA SAÚDE  E A HIXIENE.

AS NAIS DE ANTÓN, MARTÍN E SARA, VIÑERON A CONTARNOS A IMPORTANCIA DE TER AS MANS E OS DENTES LIMPOS PARA EVITAR ENFERMIDADES. TAMÉN APROVEITAMOS PARA LEMBRAR QUE TIPO DE COMIDA É SAUDABLE E CAL NON.

DESPOIS DE VER UNS VÍDEOS CURTIÑOS SOBRE LAVADO DE MANS E DENTES, FIXEMOS UN EXPERIMENTO: NUN PRATO CON AUGA, SIMULAMOS UNHAS BACTERIAS (CON PEREXIL). SE UN DEDO CON XABÓN TOCA A AUGA CON "BACTERIAS", QUE PASARÁ?

REPASAMOS COMO HAI QUE LAVAR OS DENTES E CANTAS VECES COA SUPERBOCA QUE NOS TROUXERON.

LEMBRAMOS CALES SON OS ALIMENTOS SAUDABLES E CALES NON.

MOITÍSIMAS GRAZAS ÁS TRES POR  COMPARTIR CONNOSCO UN CHISQUIÑO DO VOSO TEMPO!

CONSTRUCIÓNS E CREATIVIDADE

HOXE EXPERIMENTAMOS CUN MATERIAL NOVO DE CONSTRUCIÓN A TRAVÉS DUNHA DINÁMICA COOPERATIVA E COLABORATIVA. 

PRIMEIRAMENTE EN PEQUENOS GRUPOS HETEROXÉNEOS MANIPULAMOS E EXPLORAMOS  AS POSIBILIDADES DAS PEZAS DA CAIXA. COMEZAMOS  A CONSTRUÍR EMPREGANDO O RAZOAMENTO LÓXICO E A RELACIÓN CAUSA EFECTO COAS RODAS DENTADAS E AS MANIVELAS (MOVEMENTO, XIROS, ATASCOS, CORRECCIÓN DE ERROS...).

FINALMENTE, UNIMOS O TRABALLO DOS DIFERENTES EQUIPOS, DANDO RENDA SOLTA Á CREATIVIDADE E REALIZANDO DIFERENTES COMPROBACIÓNS E MODIFICACIÓNS, POÑENDO EN FUNCIONAMENTO O PENSAMENTO CRÍTICO (QUE PASA SE MOVEMOS TODAS AS MANIVELAS, E SE MOVEMOS UNHA SOA, COMO SE MOVE A CONSTRUCIÓN VERTICAL...) .

ADEMAIS DESTAS HABILIDADES TRABALLAMOS A PSICOMOTRICIDADE FINA, A COORDINACIÓN ÓCULO-MANUAL, A ORIENTACIÓN ESPACIAL, A MOTIVACIÓN, A TOLERANCIA, A FRUSTRACIÓN, O TRABALLO EN EQUIPO, A IGUALDADE DE OPORTUNIDADES...

EMOCIÓNS DE PELÍCULA

TRABALLAMOS AS EMOCIÓNS DA PELÍCULA QUE REPRESENTAMOS NO DESFILE DO ENTROIDO "INTENSAMENTE 2". FIXEMOS ESTE MURAL CON  FOTOGRAFÍAS REPRESENTANDO AS EMOCIÓNS EN LINGUA DE SIGNOS E COIDANDO DA EXPRESIÓN CORPORAL: ALEGRÍA, TRISTURA, IRA, MEDO, ASCO, VERGOÑA, ENVEXA, ANSIEDADE E ABURRIMENTO. CONVERSAMOS SOBRE ESTAS 9 EMOCIÓNS, EN QUE SITUACIÓNS SE PRESENTAN, COMO NOS SENTIMOS, COMO SE PERCIBEN...

TAMÉN NOS INICIAMOS NA ROBÓTICA E PENSAMENTO COMPUTACIONAL CUN TABOLEIRO SOBRE A IDENTIFICACIÓN DE EMOCIÓNS.

DÍA INTERNACIONAL CONTRA O ACOSO ESCOLAR

 O 2 DE MAIO CONMEMÓRASE O DÍA INTERNACIONAL CONTRA O ACOSO ESCOLAR.

POR DESGRAZA, MOITOS MENORES SOFREN SITUACIÓNS DE ACOSO CADA DÍA, DENTRO E FÓRA DOS COLEXIOS. 

TODAS E TODOS DEBEMOS ACTUAR
 É DE VITAL IMPORTANCIA IDENTIFICALO E ACTUAR CANTO ANTES. 

DENDE O NOSO CENTRO LEMBRAMOS QUE CADA PALABRA CONTA, CADA ACCIÓN IMPORTA.  O RESPECTO, A EMPATÍA E A SOLIDARIEDADE SON AS MELLORES FERRAMENTAS QUE TEMOS PARA COMBATELO. 

PROMOVEMOS E FOMENTAMOS ESPAZOS SEGUROS, RESPECTUOSOS E INCLUSIVOS PARA TODO O ALUMNADO.

REMATAMOS LEMBRANDO QUE NA ENTRADA PRINCIPAL DO CENTRO TEMOS A DISPOSICÓN DE QUEN QUEIRA DENUNCIAR CALQUEIRA ACTO DESTE TIPO "O PUNTO LARANXA" E TAMÉN SE ATOPA  NA WEB DO CENTRO.