DESFILE DE ENTROIDO

POR FIN CHEGOU O DÍA DO DESFILE!

UN DÍA MOI ESPECIAL, POIS CONVIDAMOS ÁS FAMILIAS PARA QUE NOS VIÑERAN VER. NON TIÑAN MOITA IDEA DE QUE NOS IAMOS DISFRAZAR ESTE ANO. ESTABAN ALGO CONFUSOS! NON LLES DEMOS MOITA INFORMACIÓN PORQUE QUERIAMOS SORPRENDELOS!

COMO XA SABEREDES A TEMÁTICA DO ENTROIDO DESTE ANO ERA A MÚSICA. AS DÚAS AULAS REPRESENTAMOS A "CHARANGA V16" . UNHA ESPECIE DE COMEDIA MUSICAL CUN TEMA DE ACTUALIDADE SOCIAL "A BALIZA V16". POR ISO TIÑAMOS NO DESFILE: A GARDA CIVIL, AS BALIZAS, UNHA FAMILIA QUE QUERÍA IR DE PASEO NO COCHE, OS TRIÁNGULOS QUE ESTABAN TRISTES PORQUE XA NON SON IMPORTANTES E A BANDA DE MÚSICA COMPOSTA POR INSTRUMENTOS DE CORDA, VENTO E PERCUSIÓN.

TEMOS QUE AGRADECER ÁS FAMILIAS A ELABORACIÓN  DOS DIFERENTES INSTRUMENTOS.

ESPERAMOS QUE DISFRUTARADES TANTO COMA NÓS DESTE DESFILE!

OBRADOIRO DE FAMILIAS MÚSICA GALEGA

HOXE RECIBIMOS NO OBRADOIRO DE FAMILIAS A ANDRÉS O PAI DE SABELA E DE VICTORIA. 

VEU AO COLE PARA ENSINARNOS INSTRUMENTOS DA MÚSICA GALEGA. PRIMEIRO ENSINOUNOS OS INSTRUMENTOS DE PERCUSIÓN E DESPOIS OS DE VENTO.

FAMILIA DE PERCUSIÓN:

-  ENSINOUNOS COMO SE AFINA UN BOMBO E UN TAMBORIL E  COMO SE GOLPEAN COA MAZA OU COAS BAQUETAS.

- VIMOS DIFERENTES TIPOS DE PANDEIRETAS,  AS FERREÑAS. TOCOU DIFERENTES RITMOS CON ELAS E GUSTOUNOS MOITO O RISCADO. TAMÉN NOS ENSINOU A FAMILIA GRANDE: A PANDEIRA E O PANDEIRO.

- TOCOU DIFERENTES RITMOS COAS CUNCHAS. NON SABIAMOS QUE PODÍAN PRODUCIR SONS TAN DIFERENTES!

- OS PITOS QUE ACOMPAÑAN  AOS CHASQUIDOS DOS DEDOS NO BAILE.

- QUEDAMOS IMPRESIONADOS CO BEN QUE SOAN AS CULLERES DE MADEIRA  GOLPEANDO NA PERNA.

- DESCUBRIMOS UN INSTRUMENTO NOVO DE PERCUSIÓN AS TARRAÑOLAS, SON COMA  DÚAS TABLILLAS DE MADEIRA QUE SE COLOCAN ENTRE OS DEDOS E FANSE SOAR MOVENDO A MAN.

UNHA VEZ PRESENTADAS PUIDEMOS EXPERIMENTAR CON ELAS E  TOCALAS. FOI MOI DIVERTIDO!

FAMILIA DE VENTO:

- ENSINOUNOS DIFERENTES TIPOS DE FRAUTAS. A FRAUTA DOCE, UNHA FRAUTA CHINA CHAMADA "HULUSI", A REQUINTA QUE É UNHA FRAUTA TRAVESEIRA,  UNHA FRAUTA IRLANDESA CHAMADA "WHISTLE" E O PITO PASTORIL QUE ERA A FRAUTA  QUE EMPREGABAN OS PASTORES.

- TAMÉN NOS ENSINOU A RAIÑA DA FAMILIA DE VENTO EN GALICIA, A GAITA.  DESMONTOUNA PARA QUE PUIDESEMOS VER COMO SOABAN TODAS AS SÚAS PARTES: A PALLETA E  O PUNTEIRO;  O RONCO CO PALLÓN E A COPA;  A RONQUETA; SOPRETE E O FOL. DESPOIS  TOCOU ALGUNHAS PEZAS ENTRE ELAS "A  SAIA DA CAROLINA".

GRAZAS POLA VOSA COLABORACIÓN FOI UNHA EXPERIENCIA MOI ENRIQUECEDORA!

23 DE FEBREIRO: DÍA DE ROSALÍA

ESTE 23 DE FEBREIRO DEDICADO A ROSALÍA DE CASTRO TIVEMOS A OPORTUNIDADE DE LEMBRAR COUSAS QUE XA SABIAMOS DELA PERO TAMÉN, DESCUBRIR OUTRAS NOVAS.

MOITOS MÚSICOS  PUXÉRONLLE AOS POEMAS DE ROSALÍA MÚSICA;  CONVERTÍNDOOS  EN CANTIGAS.

HOXE NESTE RECANTO DO COLE  PUIDEMOS DESCUBRIR ALGUNHAS DAS MÁIS COÑECIDAS  E GOZAR DE DIFERENTES ESTILOS MUSICAIS.  PARA ESCOITALAS TIVEMOS QUE LER CÓDIGOS QR COA TABLET. FOI MOI ENTRETIDO! 

PREPARÁMONOS PARA O ENTROIDO

 XA SE ESTÁ ACHEGANDO A GRAN FESTA DO ENTROIDO. 

- REPASAMOS O VOCABULARIO EN LSE.

- DECORAMOS AS PORTAS DAS AULAS  E O NOSO CORREDOR CON LETRAS DE ENTROIDO, ANTEFACES, DEBUXOS DE DISFRACES E ESPIRAIS DE CORES.

- DÉMOSLLE DE COMER A VILAVERDIÑO  PARA ENCHERLLE O BANDULLO E TAMÉN LLE FIXEMOS PLUMAS CO NOME DE INSTRUMENTOS MUSICAIS PARA VESTILO DE ROQUEIRO.

- PREMARAMOS OS NOSOS DISFRACES PARA O DESFILE. ESTE ANO IMOS REPRESENTAR UNHA "CHARANGA".

- APRENDEMOS UNHA CANTIGA EN LSE QUE NOS ACOMPAÑARÁ NO DESFILE.

OBRADOIRO DE FAMILIAS: QUE INSTRUMENTOS EMPREGABAN OS NOSOS ANCESTROS?

O XOVES TIVEMOS UN OBRADOIRO DE FAMILIAS SOBRE OS INSTRUMENTOS CASEIROS QUE EMPREGABAN OS NOSOS ANCESTROS.
ANTIGAMENTE NON TODO O MUNDO PODÍA PERMITIRSE TER UN INSTRUMENTO PERO ISO NON ERA MOTIVO PARA QUE A MÚSICA NON ENTRARA NAS CASAS E NAS FESTAS.

NO OBRADOIRO,  AS NAIS DE AMAIA, CAROLINA E LUCA AMOSÁRONNOS UNHA CHEA DE OBXECTOS COTIÁS QUE OS NOSOS MAIORES CONVERTÍAN EN INSTRUMENTOS DE PERCUSIÓN, VENTO E CORDA PARA FACER MÚSICA  E ACOMPAÑAR AS CANTINELAS EN MOITAS OCASIÓNS MENTRES TRABALLABAN.

COMO  O FACÍAN?  EMPREGABAN  OBXECTOS QUE TIÑAN POLA CASA COMO SACHOS, PEDRAS, LATAS DE PIMENTÓN, GARFOS, CULLERES, BOTELLAS, TESTOS, SEMENTES, PRATOS,CHAVES, RAIADORES, CUNCHAS, CORNOS, BUXAINAS,  DEDAIS ....

TAMÉN PUIDEMOS TOCALOS  NÓS MESMOS E  COMPROBAR COMO SOABAN.

MOITAS GRAZAS  GIOVANA, SHEILA E DANIELA!

PASAMOS UN RATO MOI DIVERTIDO!

OBRADOIRO DE FAMILIAS: CONSTRUÍMOS UN MARAMBOR

O MÉRCORES TIVEMOS UNHA DOBRE VISITA NO OBRADOIRO.

ESTA VEZ ACOMPAÑÁRONNOS BELÉN E MAR, A NAI E MÁIS A AVOA DE MIGUEL.

ESTAMOS INICIANDO O PROXECTO DA MÚSICA E ELAS ANIMÁRONSE PARA ENSINARNOS A CONSTRUIR UN INSTRUMENTO: UN MARAMBOR.

SABEDES O QUE É? É UN INSTRUMENTO DE PERCUSIÓN  QUE PODEMOS FACER SOAR COMO UN TAMBOR OU COMO UNHA MARACA.

COMO O FIXEMOS? NUN VASODE PLÁSTICO BOTAMOS  ARROZ, DESPOIS TAPAMOS A BOCA DO VASO CUN GLOBO. 

CO MARAMBOR  TOCAMOS  DE DÚAS MANEIRAS:

1º. COMA UNHA MARACA:  AXITAMOS O VASO, FACENDO SOAR O ARROZ. ASÍ CONSEGUIMOS UN SON MÁIS AGUDO.

2º. COMA UN TAMBOR: BELISCANDO O GLOBO, CONSEGUIMOS UN SON MÁIS GRAVE.

UNHA VEZ FEITO O MARAMBOR ESTIVEMOS CANTANDO A CANTIGA "DEBAJO DE UN BOTÓN" ACOMPAÑÁNDOA CO SON DO MARAMBOR. ALGÚNS TOCABAMOS DE MARACA CO "TIN, TIN, TIN" E OUTROS TOCABAMOS DE TAMBOR CO "TON, TON, TON".

MAR DELEITOUNOS TOCANDO O UKELELE E O PIANO COA CANTIGA DO RATO, E TAMÉN TIVEMOS A OPORTUNIDADE DE TOCAR ESES INSTRUMENTOS NÓS.

FOI UN COMEZO DE PROXECTO MOI ENTRETIDO!

GRACIÑAS MAR E BELÉN!

DÍA DA PAZ

A PAZ NO MUNDO É UN GRANDE OBXECTIVO, SOBRETODO NESTE MOMENTO NO QUE HAI TANTOS CONFLITOS EN GAZA, IRÁN, UCRAÍNA, RUSIA, VENEZUELA...

PARA TRABALLAR ESTA DATA VISIONAMOS UN VÍDEO DE COMO VIVEN A GUERRA AS NENAS E OS NENOS EN UCRAÍNA.

A CONTINUACIÓN REFLEXIONAMOS SOBRE AS SEGUINTES PREGUNTAS:

- COMO TE SENTIRÍAS SE NON PUIDERAS SAIR AO PARQUE A XOGAR COS TEUS AMIGOS E AMIGAS?  E SE NON PUIDERAS CELEBRAR O TEU ANIVERSARIO?

-  COMO TE SENTIRÍAS SE MAÑÁ TIVESES QUE DEIXAR TODOS OS TEUS XOGUETES, A TÚA CAMA, A TÚA MASCOTA, A TÚA CASA … PARA FUXIR A UN LUGAR DESCOÑECIDO, SÓ OU SOA TAN SÓ CO QUE CABE NUNHA MOCHILA? QUÉ LEVARÍAS TI?

-  COMO CRES QUE SE SINTE UN NENO OU NENA NA GUERRA QUE NON SABE SE HOXE PODERÁ COMER, CEAR OU SE TERÁ AUGA LIMPA PARA BEBER?

-  SE ESCOITARAS RUÍDOS MOI FORTES E CONSTANTES FÓRA DA TÚA XANELA, QUEN CHE GUSTARÍA QUE ESTIVESE AO TEU LADO?

-  MOITOS NENOS E NENAS QUE VIVEN EN PAÍSES QUE ESTÁN EN GUERRA NON PODEN IR AO COLEXIO, NIN VER AOS SEUS AMIGOS E AMIGAS DE CLASE. EN QUE CRES QUE OCUPARÍAN O SEU TEMPO?

- QUE CRES QUE SOÑA UN NENO OU UNHA NENA QUE VIVE NUN LUGAR ONDE HAI GUERRA?

DEPOIS INDIVIDUALMENTE  PENSAMOS QUE LLES DIRIAMOS PARA QUE SE SENTISEN MELLOR?

TODAS E TODOS ELABORAMOS UNHA MENSAXE DE ESPERANZA , PARA ESTAS NENAS E NENOS QUE VIVEN  ASUSTADOS POLA GUERRA NUN CORAZÓN. AQUÍ TEDES ALGUNHAS DAS NOSAS:

 

LOGO FIXEMOS UNHA POSTA EN COMÚN E ESCOLLEMOS 5 MENSAXES PARA COLOCAR NO MURAL DA PAZ DO COLE. NO QUE SE REPRESENTA UN SOBRE XIGANTE QUE LEVA ESTAS MENSAXES DE ESPERANZA A TÓDALAS PARTES DO MUNDO NO QUE HAI NENAS E NENOS SUFRINDO E VIVINDO A GUERRA.

REMATAMOS A CELEBRACIÓN CANTANDO TODAS E TODOS XUNTOS A CANTIGA "VEN COMIGO" DE MARÍA FUMACA.