OBRADOIRO DE FAMILIAS: PROFESIÓN DE CANTEIRO E CONTO SOBRE ALIMENTACIÓN SAUDABLE.

ESTE VENRES TIVEMOS UN DOBRE OBRADOIRO COA FAMILIA DE MARA.

POR UNHA BANDA ESTIVO RUBÉN, O PAI DE MARA, QUE É CANTEIRO. 

APRENDEMOS QUE O CANTEIRO É A PERSOA QUE FAI TRABALLOS COA PEDRA. ESTES TRABALLOS PODEN IR DENDE TRABALLOS COA PEDRA PARA CONSTRUIR EDIFICIOS, HÓRREOS OU MUROS ATA ESCULTURAS COMO CRUCEIROS OU ESCULTURAS INCLUSO PARA DECORAR NA CASA. É POR ISO QUE TROUXO AO "COLE" ALGUNHAS DAS OBRAS QUE TIÑA FEITAS EN PEDRA.

TAMÉN TROUXO AS FERRAMENTAS QUE EMPREGA PARA O SEU TRABALLO (MACETAS PARA GOLPEAR NA PEDRA DE DIFERENTES TAMAÑOS CO SEU PUNTEIRO, LIMAS, ESCUADROS PARA COMPROBAR QUE OS RECANTOS ESTÁN RECTOS, ...)

CONTOUNOS QUE TRABALLA CON GRANITO, QUE É UNHA DAS PEDRAS MÁIS DURAS QUE EXISTEN E QUE DEBE A SÚA DUREZA Á COMPOSICIÓN DESTA (CUARZO, FELDESPATO E MICA).

DESPOIS TOCOUNOS A NÓS TRABALLAR... 

ANTES DE FACER UNHA OBRA EN GRANITO PRIMEIRO HAI QUE MODELAR EN ARCILLA E NÓS COMO NON TIÑAMOS, EMPREGAMOS A PLASTILINA. SAÍRONNOS OBRAS REALMENTE ESPECTACULARES!

                            

POR OUTRA BANDA E DESPOIS DO TRABALLO DE MODELAR CON PLASTILINA, CRISTINA (A NAI DE MARA) CONTOUNOS UN CONTO SOBRE ALIMENTACIÓN SAUDABLE: "SANOTES, SANITOS".

CRISTINA AGASALLOUNOS CUN EXEMPLAR DO CONTO PARA O "COLE" E RUBÉN CUN IMÁN PARA CADA AULA.

MOITÍSIMAS GRAZAS AOS DOUS POLA VOSA VISITA!

PREPARANDO O CERTAME DE POESÍA

 XA SE ACHEGA O CERTAME DE POESÍA, UNHA DAS ACTIVIDADES DO CENTRO PARA CELEBRAR O DÍA DAS LETRAS GALEGAS. 

O XOVES PRESENTAREMOS O NOSO POEMA DIANTE DO ALUMNADO DE INFANTIL DE 3 E 4 ANOS ENRIBA DUN ESCENARIO.

ESTE ANO IMOS CENTRAR OS POEMAS NO FINAL DESTA ETAPA DE INFANTIL. ANIMÁDEVOS A PRACTICAR COA NOSA ILSE!

POEMA GRUPO A:

POEMA GRUPO B:

OBRADOIRO DE FAMILIAS: TRAXE TRADICIONAL GALEGO

ESTE VENRES TIVEMOS UN NOVO OBRADOIRO DE FAMILIAS.  PILAR, A NAI DE XOEL, VEU AO COLE PARA ENSINARNOS COMO SON  "OS TRAXES TRADICIONAIS GALEGOS".

VEU CARGADA CUNHA MALETA E PERCHAS. TRÓUXONOS  OS TRAXES COS QUE BAILAN XOEL E MAIS ELA NOS GRUPOS DE BAILE TRADICIONAL AOS QUE PERTENCEN.

PILAR CONTOUNOS QUE, TEMPO ATRÁS,  ESTA ROUPA COSÍANA AS MAMÁS E AVOAS NAS CASAS. NON HABÍA TANTA ROUPA COMO AGORA. TAMPOUCO ERAN MOI DIFERENTES AS PEZAS DE ROUPA DE VERÁN  E AS DE  INVERNO. O ÚNICO QUE AS DIFERENZABA ERA O TECIDO, SENDO O LIÑO O TECIDO QUE EMPREGABAN NA ÉPOCA DE CALOR E O PANO PARA O FRÍO.

CHAMÁRONNOS MOITO A ATENCIÓN ALGÚNS DOS NOMES DAS DIFERENTES PEZAS DE ROUPA E A CANTIDA DE REFAIXOS QUE LEVABAN.

NO TRAXE DE XOEL VIMOS: A MONTEIRA, A CAMISA, O CHALECO, A FAIXA, OS CALZÓNS, AS CIROLAS E AS POLAINAS.

NO TRAXE DE PILAR VIMOS: AS MEDIAS, A ENAGUA, A SAIA, A BLUSA, O MANTÓN, O MANDIL, O DENGUE, A CHAQUETA, A PAÑOLETA E O SAN COSMEIRO.

EMPREGABAN A MESMA ROUPA PARA TRABALLAR, QUE PARA IR DE FESTA. AS MULLERES SOAMENTE CAMBIABAN ALGUNHAS PEZAS COMA O MADIL, O MANTÓN...  A ROUPA DAS FESTAS CARACTERIZÁBASE PORQUE TIÑA  MÁIS ADORNOS  E FLOCOS.

TAMÉN NOS SORPRENDEU  QUE A ROUPA DAS FESTAS DAS MULLERES FOSE NEGRA. INCLUSO SE ÍAN CASAR, O TRAXE ERA NEGRO, NON COMO AGORA QUE VISTEN  DE BRANCO.

CONVENCIMOS A PILAR E A XOEL  PARA QUE NOS BAILARAN  UN POUQUIÑO UNHA PEZA. 

REMATAMOS TOCANDO E POÑENDO ALGUNHAS DAS PEZAS DE ROUPA. 

GRAZAS PILAR POR ACHEGARNOS UN POUCO DA NOSA CULTURA!

DÍA DO ACOSO ESCOLAR

O DÍA 2 DE MAIO CELÉBRASE O DÍA DO ACOSO ESCOLAR. POR ISO AO LONGO DESTA SEMANA ESTAMOS REFLEXIONANDO SOBRE ESTA REALIDADE. 

PARA  FACILITAR A SÚA COMPRENSIÓN APOIÁMONOS NO LIBRO: "HOY NO JUEGAS".

TRÁTASE DUNHA HISTORIA QUE CONTA COMO UNHA NENA CHEGA NOVA A UN COLEXIO INTIMIDANDO E REXEITANDO ÁS COMPAÑEIRAS E AOS COMPAÑEIROS, IMPOÑENDO AS SÚAS REGRAS DE FORMA ABUSIVA. TAMÉN NOS CONVIDA A REFLEXIONAR  SOBRE COMO ACTUAR ANTE ESTA SITUACIÓN, QUE PODEMOS FACER PARA SOLUCIONALO, O PODER DA AMIZADE, O COMPAÑERISMO...

A PRÓXIMA SEMANA IMOS CELEBRALO TODAS  E TODOS XUNTOS NO XIMNASIO. CADA NIVEL VAI CANTAR UNHA CANTIGA RELACIONADA CO ACOSO. NÓS IMOS CANTAR "VIVAN LAS MANOS DE COLORES".

ANIMÁDEVOS A CANTAR E A BAILAR!

23 DE ABRIL, DÍA DO LIBRO

AO LONGO DESTA SEMANA, TODO O ALUMNADO DO CENTRO ESTIVO FACENDO ACTIVIDADES RELACIONADAS CO DÍA DO LIBRO.

UNHA DAS ACTIVIDADES QUE FIXEMOS FOI UN AMADRIÑAMENTO E APADRIÑAMENTO LECTOR NO QUE UNHA ALUMNA OU ALUMNO DE PRIMARIA LÍA UN CONTO A OUTRA ALUMNA OU OUTRO ALUMNO DE INFANTIL. A NÓS LÉRONOS O ALUMNADO DE 3º B E O ALUMNADO DE 5º A. DÁMOSLLE AS GRAZAS POR ESTE AGRADABLE MOMENTO.

COMO FACÍA BO TEMPO, APROVEITAMOS PARA FACER ESTE TEMPO DE LECTURA NO PATIO.

NA AULA TRABALLAMOS SOBRE ESTA CELEBRACIÓN, LEMBRANDO POR QUE SE CELEBRA ESTE DÍA. FOI UNHA SORPRESA  COMPROBAR QUE ALGÚNS NENOS E ALGUNHAS NENAS LEMBRABAN ALGUNHAS DAS COUSAS QUE FOMOS FALANDO EN CURSOS ANTERIORES.

TAMÉN FIXEMOS MARCAPÁXINAS. POLA PARTE DE ATRÁS ESCRIBIMOS  O TÍTULO DO CONTO QUE MÁIS NOS GUSTA.

LEMBRA: ¡SE QUERES VIVIR MIL AVENTURAS, LÁNZATE Á LECTURA!

OBRADOIRO DE FAMILIAS: CONTO "EL HILO INVISIBLE"

O VENRES TIVEMOS UN NOVO OBRADOIRO DE FAMILIAS.

A NAI DE NAHIA, LARA, VEU AO COLE PARA CONTARNOS O CONTO "EL HILO INVISIBLE" DE MÍRIAM TIRADO. 

UN CONTO SOBRE OS VÍNCULOS QUE NOS UNEN ÁS PERSOAS QUE QUEREMOS COMO A PAPÁ, A MAMÁ, OS AVÓS, AS AMIGAS E AMIGOS... UN FÍO QUE NON SE ROMPE E QUE ADEMAIS É INVISIBLE. É UN FÍO MÁXICO QUE FAI QUE AÍNDA QUE NON ESTEAMOS CON ESAS PERSOAS ÁS QUE QUEREMOS ESTEAMOS UNIDOS A ELAS PARA SEMPRE.

ANTES DA LECTURA ESTIVEMOS FALANDO DO QUE FACIAMOS OU SENTIAMOS CANDO MAMÁ OU PAPÁ NON ESTABAN CON NÓS.

DESPOIS DO CONTO, ELABORAMOS UN AGASALLO PARA ESA PERSOA ESPECIAL Á QUE NOS SENTIMOS ESPECIALMENTE UNIDOS. ALGÚNS INCLUSO DECIDIRON POÑERLLE UNHA MENSAXE DE AMOR.

LARA TAMÉN TROUXO UN FÍO ESPECIAL PARA AMOSARNOS COMO DE FORTE É O FÍO QUE NOS UNE AOS DEMAIS. FOMOS PASANDO O FÍO Á NENA OU NENO QUE ESTABA AO NOSO CARÓN AO TEMPO QUE LLE  DICIAMOS  ALGO BONITO, ALGO QUE NOS GUSTARA DELA OU DEL.

TAMÉN NOS DEU UNHA PULSEIRA PARA QUE LLE ENTREGÁSEMOS Á PERSOA COA QUE NOS SENTIAMOS CONECTADAS.

PASAMOS UN TEMPO ESTUPENDO CONTIGO LARA. MOITAS GRAZAS!

OBRADOIRO DE FAMILIAS: CONTO "LAS JIRAFAS NO PUEDEN BAILAR"

ESTE VENRES TIVEMOS UN NOVO OBRADOIRO DE FAMILIAS.

SESIÓN DE CONTACONTOS COA FAMILIA DE MATEO.

PAMELA, A NAI DE MATEO, VEU CONTARNOS O CONTO "LAS JIRAFAS NO PUEDEN BAILAR".

CHUFA É UNHA XIRAFA Á QUE LLE CUSTA UN POUCO BAILAR AÍNDA ASÍ, NO BAILE DA SELVA, DECIDE SAÍR A BAILAR. TODOS OS ANIMAIS SABEN QUE A CHUFA NON SE LLE DA MOI BEN O BAILE E CANDO SAE A PISTA EMPEZAN A BURLARSE DELA.

CHUFA ESCOITA OS CONSELLOS DO SEU AMIGO O SALTÓN E DECIDE INTENTALO OUTRA VEZ. 

ESTE CONTO TRANSMITE QUE A PERSEVERANCIA E A CONFIANZA NUN MESMO PERMITE ACADAR METAS E SUPERAR PREXUIZOS.

ALGÚNS DE NÓS XA O COÑECIAMOS AÍNDA QUE ISO NON FOI UN IMPEDIMENTO PARA ESCOITALO MOI ATENTOS!

 

DESPOIS DO CONTO  ELABORAMOS A NOSA "CHUFA" PARTICULAR: COLOREAMOS, RECORTAMOS, DOBRAMOS, PEGAMOS E DEBUXAMOS.

FOI UNHA ACTIVIDADE MOI COMPLETA E O RESULTADO FOI ESTUPENDO!

MOITAS GRAZAS PAMELA POR COMPARTIR CONNOSCO UN CHISQUIÑO DO TEU TEMPO!.