OBRADOIRO DE FAMILIAS: XOGAMOS Á LOTERÍA!

ESTE VENRES VEU GIOVANA E TANIA, A NAI E A TÍA DE AMAIA PARA ENSINARNOS A XOGAR Á "LOTERÍA".

A MAMÁ DE AMAIA NACEU EN MÉXICO E QUIXO ENSINARNOS UN DOS XOGOS MÁIS COÑECIDOS NO SEU PAÍS  "A  LOTERÍA".  É UN XOGO DE AZAR NO QUE SE EMPREGAN CARTAS CON IMAXES E CARTÓNS CON DIFERENTES COMBINACIÓNS.  EN REALIDADE TEN A MESMA DINÁMICA QUE O BINGO.  

NÓS XOGAMOS COAS FOTOS E  NOMES DAS NENAS E DOS NENOS DAS DÚAS AULAS, CADA  CARTÓN TIÑA  9 FOTOS. 

TIÑAMOS QUE ESTAR MOI  ATENTAS E ATENTOS Á CARTA QUE SAÍA DA BARALLA NA PANTALLA  E SE TIÑAMOS A FOTO DA NENA OU NENO NO NOSO CARTÓN POÑIÁMOSLLE ENRIBA UNHA FABA. AO COMPLETAR O CARTÓN COAS 9 FABAS TIÑAMOS QUE BERRAR "LOTERÍA". OS PREMIOS ERAN PAUCIÑOS DE PAN.

AO PRINCIPIO COSTOUNOS ENTENDER A MECÁNICA DO XOGO, PERO UNHA VEZ QUE O PILLAMOS  ...  FOI MOI DIVERTIDO!!!